السلام عليـــــــــكم بنات
فديتكم ما عليكم امـــر بغيت اسأل الي عندها خبرة في موضوع السفر لتايلاند لغرض التشخيص والعلاج
الوالده ( الله يطول في عمرها )عندها الم دون اييها في القلب وطبعا ما لقت تشخيص لحالتها هنيه في البلاد
فالبعض نصحها تسافر تايلند للتشخيص والعلاج
ياليت الي عندها خلفيه عن العلاج في تايلند والتكاليف وشو احسن مستشفى ودكتور متخصص في القلب
لانها حابه تسافر هالفترة لانها عن جد وايــــــــــد تعبانه من قلبها
والله يخلي لكم امهاتهم ويطول في عمارهم اميـــــــــــــــــــــن ويسعد قلبها الي بترد علي
ملحوظه : الي تعرف اسم طبيب قلب شاطر في الامارات بعد تخبرني اسمه واسم العياده في اي امارة ما عليه مب مهــــــــــم
مستشفى الامريكي في تايلند ممكن تدخلين موقعهم وتشوفين انواع الفحوصات حسب الفئة العمريه والله يعافيها يارب
حبوبة بما اني خبيره في تايلاند
انا اصحج بالمستشفى الملكي واجد احسن عن الأمريكي لأن الحين الأمريكي صارو ماديين واجد
بس الملكي دكاترتهم احسن اسم المستشفى ( بانكوك هوسبيتال )
تقبلي تحياتي
هيه المستشفى الأمريكي معروف عندهم ،،
واذا شخصوا حالتها بعد لا تسوون اي عمليه هناك ادخلوا عند كذا دكتور وشوفوا شو يقولون في البلاد وبرع البلاد ،،
مستشفى زايد العسكري يمدحون دكاترة القلب عندهم وايبولهم حالات من برع ،، ممكن لو حد من اخوانج عسكري اطلعولها ملف وتودونها هناك
يزاكم الله خيـــــــر خواتي على الردود الطيبه
الحين الي يقول الملكي والي يقول الامريكي ؟؟؟
احترت
المستشفين اوكية بس اكثر الناس متعودين على المستشفى الامريكي لقربة من منطقة العرب
نحن كل مرة تروح تايلند نعالج ونفحص في الامريكي المستشفى وايد زين وماعليه كلام واكثرة عرب من الخليج
المستشفى الامريكي
ممكن تستشيرون السفارة الاماراتية في تايلند وهم بينصحونكم باحسن دكتور قلب
مرحباً أنا عالجت أبوي بالمستشفى الامريكي عشان القلب قبلها سويت له فحص شامل حسب العمر وعقب وديته عباده القلب لان قبل يأته الجلطه وعلاجهم وايد اوكي بس الدكتورة ما حفظت اسمها بس بصراحة كانت تعاملها مع الوالد وايد اوكي حتى أبوي وايد استأنست منها