من بريد المشكلات المشكله الـ ~ 36 ~

السلام عليكم ورحمه الله وبركاته

شحالكم خواتي ان شاء الله تكونون بخير وعافيه احب اشكر جميع خواتي اللي في المنتدى لانكم اقرب الناس اللي اقدر اقولكم مشكلتي وعسى خير واشوف حل لأني تعبت والله من سنين وانا اعاني ما اعرف شو السبب ومشكلتي هي اني وااايد حساسه وازعل من أي موضوع انا اشتغل في جهه حكوميه وانا طبعي احب اكون ساكته طول الوقت بس وقت الشغل اكلم زميلاتي لاني ابي ابتعد من المشاكل والله تعبت كل ما تصير مشكله يشكون فيني بصراحه انا بقول لكم اسلوب زميلاتي في العمل وحده الله يسامحها طول الوقت تتكلم في التلفون بس اذا ياء المدير تخلي عمرها تشتغل والثانيه اذا سألتها واناقشها بالشغل تتأفف وتصارخ واذا ردت ع التلفون المكتب ترد بدون نفس وسكر التلفون بقوه زين ما كسرته كأنها مشغلينها بالغصب والباقياتات شحلاتهم معاي بس المشكله انهم وااايد مشغولين وانا ما ابي تصير بيني وبينهم حساسيه او أي مشاكل بس يشوفون بنظره احتقار لاني ما اسولف وياهم لان طبعي اكون ساكته لاني لاحظت كلامهم كله عن فلانه شو سوت وشو قالت والحش ما عند حد " اسفه ع الكلام بس والله تعبت نفسيتي داااون حتى اهلي يقولون لي شفيج قبل ما تشتغلين شحلاتج سوالف وضحك والحين كأني شاله هم الدنيا فوق راسي فكرت كم مره اطلع من دوام بس ظروف ما تسمح ابوي وامي متوفين وعايشه مع اخوي احب اعتمد ع عمري بس شو اسوي اعرف اني طولت عليكم اعتبركم خواتي لاني ما عندي خوات كله اخوان الله يخليهم اتصلت مره ع دكتور نفسي وشرحت له قالي لازم اتأقلم مع الناس واحاول اكثر من مره اتقرب منهم ونكون نربع واسوي الاشياء اللي يحبونها عسب اتقرب منهم حاولت بس ما استحملتهم لأنهم يجاملون بعض بسسسس لااكثر ولا اقل وكلمت دكتور احمد النجار بصراحه كلامه حفزتي ورفع معنوياتي وطبقت كلامه بس ما قدرت اكمل لان اللي معاي في الدوام شو اقولكم اكيد في وحده منكم مرت بهل الموقف شورو علي والله ما قادره استحمل طول الاسبوع ما اقدر ارقد ولا اقعد مع اهلي ولا اروح أي مكان بسبت هل الموضوع واللي قاهرني اني وااايد حساسه اتضايق من أي شيء بسيط شو اسوي شورو علي خواتي جزاكم الله خير وفهل الايام الكريمه ادعي ليل نهار ان الله يسر اموري ويوفق الجميع ان شاء الله وسامحوني طولت عليكم .. اختكم محتاجه نصايحكم ودعواتكم الله يوفقكم دنيا واخره مع السلامه؟