بختصار شديد شو الحل غير الصبر
زوجي كان يحبني وايد ففترة الملجه ومن عرسنا
شخصيته تغيرت صدمني صح مب مقصر عليه من ناحية الفلوس
بس حبه تغير ماشي احترام فالكلام يعني انا اكلمه وهو مايشوفني
يشوف الكمبيوتر او اي شي ثاني ولو رمسته مايرد عليه الا بعد
فتره ولو ماسمع عدل يقولي انتي ماقلتيلي وعقب ما انا صابني
برود من صوبه تغير رد نفس اول يحبني بس انا مب قادره اتقبل
منه اي شي والله انا انسانه اكره المجامله بس للأسف قمت اجامله .. ادعي ان الله يحنن قلبي عليه كل افكر بالطلاق من غير امه
وايد تحسسني انها ماتحبني وايد اشياء مابي اذكر تفاصيلها
المهم الكل يلاحظ يعني كل مره تسوي حركه لدرجة ان ريلي الحين
حس وعرف ان امه تسوي هالاشياء وهي قاصده مب عارفه شو اسوي
وارضيها رغم اني مب مقصره في حقهم وانا ماتغيرت عليهم الا
يوم خلاص نفذ الصبر مني وقمت اعامل بالمثل
الله يسهل عليج امورج كلها يارب عليج بقيام الليل والاستغفار والدعا اهم شي الدعا من قلب والله يحنن قلبج على ريلج ويحنن قلب عمتج عليج لاتياسين من رحمه رب العالمين بالعكس حاولي وخذي بالاسباب
من وجهه نظري احس انه الأخت حسااااسه شوي وزيااااااااده عن اللزوم…
شلي هالوساوس اختي واستغفري ربج احسن لج وفكري ببنتج وكيف تربينها
للرفع
اختي عليج بعمرج وابنتج ولا تهملين زوجج ومثل ما يقول المثل سو خير وعقه بحر
الله ايسر امورج مع ريلج …
بس من تجربه العيال مسؤولية كبيره ومتعبه وايد … لكنها مسؤولية الام والابو في الدرجه الاولى والاهل مش ملزومين انهم يربون عيالنا او حتى يساعدونا فتربيتهم … اذا هالشي صار من خاطرهم فيزاهم الله خير … واذا لا .. فانتي ما ترومين تجبرينهم…
وان شالله الخوات ما بيقصرن .. والله يصلح امبينكم ويسعدكم
المشاركة الأصلية كتبت بواسطة Badreyah 
شلي هالوساوس اختي واستغفري ربج احسن لج وفكري ببنتج وكيف تربينها
رايي من رايها 100%
يا اختي مشكلتج واااااااايد بسيطه .. ما اشوف فيها شي .. ادخلي قسم العائلات بتشوفين بلاوي وبتحمدين ربج ..
عمتج ما تبى اتشل بنتج كيفها .. هاي مسؤوليتج انتي وريلج .. المهم بنتج ما تفقد حنانكم انتوا الاثنين ..
ومعروووووووف كل عمه اتم اتمدح بنات الخلق جدام ولدها .. بس انتي بذكائج خليج مب مهتمه وانج انتي احسن عنهم ..
مره حمية بنت خالتي تمت اتمدح وحده جدام اخوها " اللي هو ريل بنت خالتي" .. كانت اتمدح جسمها .. وحمية بنت خالو متينه شوي .. جان اترد عليها بنت خالو واتقولها .. "" لالا جسمج انتي احلى .. فنظري انا جسمها موووول مب شي " .ز واتقولج بنت خالو مع ان البنت غزااااااال ..
وعن ريلج .. احمدي ربج انه ردلج .. وصفي النيه وخلي قلبج ابيض ..
ريلج سكران ..!!
بخيل ..!!
يضربج ..!!
ما يصلي ..!!
يشرب ..!!
ما يحترمج ..!!
يزني ..!!
ما يحترم امه ..!!
ما يحترم اهلج ..!!
صايع ..!!
يدخن ..!!
اذا لا ..!! عيل ليش طالبه الطلاق ..!! عشان مرت عليه فتره ما قالج كلمتين حلوين ..!!
هذوه رد يقولج هالكلمتين .. رديله انتي احسن عن اول .. اكشخيله وغيري لوكج واحجزي في الفنادق وسيروا وعيشوا حياتكم
والله يصلح امبينكم
=)