السلام عليكم خواتي
الصراحه انا سمعت عن كركم الجسم اللي يبيض وسرت عند العطار وخذته في علبه صغيره قد علبة الفكس بس يوم استعملته ريحته نفس كركم الاكل ويبين في الجسم يخليه اصفر
فبغيت اتخبركن اللي كد استعملته هو نفس الكركم اللي نطبخ فيه ونفس ريحته اخاف العطار قص علي
ياريت اللي تعرف عنه تقولي
حبوبة انا جربت خلطة عبارة عن كركم + فازلين
النتيجة بياض ونعومه كنت استخدمها يوميا
والكركم هو اللي نستخدمه للاكل لونه اصفر
نحط ملعقتين كركم + ملعقتين فازلين على الوجه والرقبه والمناطق الغامقة كالابط وبين الفخذين ونفرك بحركات دائرية ونخليه
انا يوم حطيته عويهي لاحظت نعومه غير طبيعيه بس شوي فتحت لون بشرتي لنه بروحها فاتحه اما الابط وبين الفخذين وايد فتح اللون ..
مدة الخلطة : بس نص ساعه والخلطة تستخدم يوميا في بنات تظهر النتيجة بعد اسبوعين وفي بعد شهر لنه في تفوات بين بشرة سمرة وبشرة وايد سمرة ..
الخلطة كنت مجربتنها من منتدى ثاني ووايد تجارب للبنات كلهن لاقت نجاح ..
ان شالله افدتج
الصراحه اللي سمعته عن الكركم وااااااااايد زين لانه صدق يبيض
اهالينا الأوليين كانوا يستخدمونه حق العروس عشان تكون بيضه والنيل لاتنسونه
وهذا اللي انا اعرف عنه وان شاءلله افتدكم بشي
المشاركة الأصلية كتبت بواسطة غموض 
النتيجة بياض ونعومه كنت استخدمها يوميا
والكركم هو اللي نستخدمه للاكل لونه اصفر
نحط ملعقتين كركم + ملعقتين فازلين على الوجه والرقبه والمناطق الغامقة كالابط وبين الفخذين ونفرك بحركات دائرية ونخليه
انا يوم حطيته عويهي لاحظت نعومه غير طبيعيه بس شوي فتحت لون بشرتي لنه بروحها فاتحه اما الابط وبين الفخذين وايد فتح اللون ..
مدة الخلطة : بس نص ساعه والخلطة تستخدم يوميا في بنات تظهر النتيجة بعد اسبوعين وفي بعد شهر لنه في تفوات بين بشرة سمرة وبشرة وايد سمرة ..
الخلطة كنت مجربتنها من منتدى ثاني ووايد تجارب للبنات كلهن لاقت نجاح ..
ان شالله افدتج
فديتج والله يالغاليه انا خذت الكركم وصابون غار بعد يقولون يحطون معاه وفازلين وزيت الزيتون وجلسرين زين اختي الكركم اللي انتي استعملتيه مال الاكل بس سمعت يقولون غير وانا سرت عند العطار وعطاني له بس خفت منه لانه الجسم يصير اصفر ويحرق
وصراحه وانا جسمي ابيض بس يوم اطلع برع في الشمس وخاصه اذا تعبت في المطبخ وعندنا ضيوف الله لايوريج ويهي يتغير لونه يصير اسمر حتى اللي يشوفني يقول شو فيه ويهج مسمر ابغي اجرب على ويهي
وتسلمين الغاليه على ردج الحلو
المشاركة الأصلية كتبت بواسطة نعنوعه الدلوعه اهالينا الأوليين كانوا يستخدمونه حق العروس عشان تكون بيضه والنيل لاتنسونه
وهذا اللي انا اعرف عنه وان شاءلله افتدكم بشي
تسلمين فديتج ماقصرتي الغاليه بس النيل بصعوبه يطلع من الجسم
ويزاج الله خير على اضافتج الحلوه
البنات ماجصرن وياج السموحة
عزيزتي في اليمن يستخدمون الكركم لتبيض البشره خصوصا العروس
طبعا قبل العرس بشهرين مثلا تحط كركم حق جسمها كامل وتقعد فيه طول اليوم ولمدة شهرين او اكثر
ويوم تتسبح ترد تحطه مره ثانيه لين قبل العرس بشويه..
طبعا هو يبيض وايد وينعم البشره بعد..بس سلبياته انه يخيس كل شي (الملابس، الشبريه..)
ويتم الجسم لونه اصفر بس الحل انج تسوين حمام مغربي في النهايه وطبعا بيروح اللون وبتشوفين النتيجه وعلى فكره هو الكركم العادي كركم الاكل.. وانا اعرف وايد بنات مجربينه