منتجع الحـواس الست

حبيت أعرض لكم بعض الصور و تكون ملخص لرحلتي لهذا المنتجع الأكثر من رائع

أحب أخبركم إنه المنتجع حلو وهادي جداً ، يعني الوحده تسير مع ريلها ( بدون عيالهم ) وايد حلو

نبدأ الرحلة و طبعاً أهم شي الكاميرا

هنيه طبعاً صورنـا الطريج

طبعاً أحلى استقبال ..

هنيه البوابة الرئيسية للمنتجع ( مع العلم محد يقدر يدخل بدون حجز مسبق )

يعني من توصل يسئلونك شو اسمك وممكن رقم الحجز و عقب تدخل

الحلو جداً بالموضوع انه يستقبلونك ( عمانيين ) مب هنود ، تحس انك ساير عمان

وطبعاً اول ما ادش تقعد في الاستراحة و تاخذ فكرة اكثر عن المنتجع ..

عقب عاد يسئلونك اذا تبا تحط سيارتك تحت في الباركنات وهم يوصلونكـ .. او

انك حاب تطلع بسيارتك ع اليبل و تنزل منه من الجهة الثانية عسب توصل المنتجع ..

طبعاً الأفضل الخيار الأول ،، هم أدرى بالدرب و متعودين عليه ، هذا يبل هههههه

هنيه شكل الطريج لفوق و بعد صورة للمنتجع من الأعلى ..

طبعاً يوم توصل للجهة الأخرى ، تدخل في استراحة أخرى ، يضيفونكـ

وعقب يودونك تشوف الاماكن و المطاعم و تاخذ بعض المعلومات ..

طبعاً وايد شغلات صورتها بس للأسف نحن بالصور .. أحاول اختار الأفضل ..

هنيه عاد وصلنا الفيلا .. فيه سياكل برا هههههههههه ، احلى شي لا تخلون بخاطركم انا سقته

وهنيه بوابة الفيلا الثانيه .. يعني تدخل من الباب الرئيسي و عقب فيه باب لداخل ..

يرجى عدم الـرد ..

أتمنى تحبون التقرير ،، و يكون وافي .