السلام عليكم ورحمة الله وبركاته
خواتي انا قبل سنوات كنت اعاني من نزول افرازات سوداء في اوقات معينة فقط ..
وبدت معاني منه من دخلت احدى الجامعات .. والغريب في الموضوع انها ما تنزل مني الا وانا في الجامعة .. يعني وانا في اي مكان ثاني برا الجامعة ما اشوف ولا نقطة من هالافرازات ..
ومن اطب الجامعه والين اطلع تنزل مني.. حاله غريبة والله .. انا شكيت بوجود عين او مس .. خاصة اني اعاني من نفور شديد من الدراسة ..
وما كملت في هالجامعه وطلعت لاني فشلت
ومن يومها. ما شفت هالافرازات ولله الحمد ..
شو تفسيركم لهالحاله هل هو عين أم يرجع لاسباب نفسيه ؟
وعقب كملت في جامعة ثانية والحمد لله ما رجعتلي الافرازات السوداء .. لكني كنت اعاني من نفور من الدراسة وتوقفت عن الدراسة ..
والحين ابي اكمل بس متخوفة من النفور الدراسي .. هالشعور ما يصاحبني الا وقت الدراسة .. يعني قبل دخولي للجامعه اكون متحمسة وفيني رغبة شديدة اكمل تعليمي واتخرج مثل الخلق ..
مادري احس اني احتاج لرقية ..
من عانت نفسي ؟؟؟
وشي ثاني .. انا حاليا ومن فترة طويييييلة اعاني من افرازات بيضاء بدون حكة.. وهالافرازات تنزل مني باستمرار دون توقف .. هل هذا طبيعي ؟ ابي افحص لكن الخجل مانعني ..
سمعت ان الدكتورة لازم تكشف عالمنطقة وتاخذ عينة .. صحيح ؟ وانا مب متزوجة
ومؤخرا بديت اعاني من الام ونغزات في الرحم .. وانتفاخ في منطقة الرحم وهالانتفاخ موجود على طول ما يخوز .. احيانا احسه يخف واحيانا يزيد.. .. وبالاضافة الى اني اعاني من قلة غزارة دم الدورة الشهرية .. يعني ما تنزل مني ككل مرة .. ودورتي منتظمة ولله الحمد
شو رايكم ؟؟ بخصوص المشكلة الاولى . هل الاعراض اللي ذكرتها تدل على اصابتي بمس او عين؟
وشو صاير برحمي والله خايفة ولا ابي دكتورة تكشفني .. حد عانت نفسي ؟ وشو كانت الاسباب بالضبط
من كلامج أصنتي والله العالم يمكن فيج عين _ أقري المعوذات علي نفسج واذا تعرفين مطوع. خير ويخاف الله روحيله _ والله يشر أمورج _ واحسن تخبرين أمج. هي بتعرف تتصرف _ والله يوفقج ويشفيج
مشكورة عزيزتي عالرد . ماقصرتي .. والله يشفي الجميع يارب
الله يشفيج اختي سيري فحصي اذا تبين تطمنين
عزيزتي نصيحه من أخت محبه وصادقه اذا تبين تتخلصين من اي اعراض غريبه اتحسينها سواء اعراض جسديه مرض تعب الم او اعراض نفسيه حزن ضيق اكتئاب نفور قلة نوم فعليج يا عزيزتي بالرقيه الشرعيه وتقرينها وانتي موقنه بالشفاء بإذن الله انا كنت اعاني نفسج بس اعراض مختلفه والحمد الله وماشاء الله لأقوى الا بالله صرت غير :
بفضل الله
اقري الرقية الشرعية او اسمعيها بالسماعات او اقري سورة البقرة يوميا وان شاء الله خير
ولا تهملين نفسج اذا حسيتي ان كل ما تبين تدرسين تتراجعين اقري الرقيه وما عليج شر
ان شاء الله بس حافظي على صلواتج والاذكار والصدقة وسورة البقرة
جزاكم الله خير ع نصائحكم
وان شاء الله بدوام ع قراءة سورة البقرة واسأل الله الشفاء لي ولكل مبتلي
لا تنسوني من دعواتكم في ظهر الغيب..