اشحالكن بنات وعرايس؟
انا عروس وعرسي جريب للحينن ما اعرف شو الوان المكياج المناسبه
لون فستاني ابيض اوف وايت وكله كريستال بس بطريقه راقيه ودانتيل مشكوك وباقتي لونها مشمشي مع كريستال ولون الكوشه احمر مشمشي وكريستال وشكل الطرحه على ديزاين الشيله واطرافها ممكن تربط على الايد
ياليت تساعدون بالصور لمكياج مناسب وال ما عندها صوره ممكن تكتب الالوان المناسبه لي
و بعد اريد مكياج لاختي
فستنان اختي اصفر ومرسوم بالقطعه ورود باللون البنفسجي والوردي والورد مشكوكه والفستان عليه دانتيل ومشكوك بعد وكريستال شورفاسكي وربطه من ورا من صوب الرقبه وبتكون تسريحته مرفوعه وعقب نازل الشعر يعني الاستايل اللبناني
وعاد اختي الله يحفظها توها مخلصه ثانويه يعني تبي تكون غير
واهم شي مكياج ماماتي
امي الله يحفظها الكل يقول عنها اختنا مو امنا و فستانها لونه ازرق على الوان الرمادى وشوي وردي ومرسوم على القطعه جلد الحيه، وطبعا اكمام
ياليت تفيدوني بالمكياج المناسب
أول شي اقولج مبروك.. والله يتمم لج عخير…وربي يرزقج بالذريه الصالحه..
بالنسبه للألوان..أحس المشمشي ماينفع لون شدو للعروس لأنه واااااايد هادي..والعروس حلاتها بالحشره الحلوه مب الدفشه..
يعني خلي اللي بتمكيج تشوف انعكاسات الكريستال وعلى هالاساس تختار الألوان ..ودخلي فالباقه ألوان ثانيه مع المشمشي..
بالنسبه لأختج..
ألوانها حلوه ومابتحتار وايد اللي بتمكيجها ..عندها بنفسجي ووردي وأصفر..
والوالده ربي يحفظها ويطول عمرها..الوانها فنتك وشبابيه ..الازرق مع الرمادي على شكل سموكي فوق العين ومن تحت اللون الوردي..رووووووووعه..
اتمنى فهمتي عليه..والله يحفظكم من كل شر..
تسلمون ام عمر
وينكن
نسيت اذكر ان يمكن البس عدسات خضرا او رماديه (بخلي الماكيره تختار واحد من اللونين)
طبعا بخطف عليها قبل عرسي عشان تحدد ما فيه التلعوز بنفس يوم العرس
الغاليه ….الف مبروووك والله يتمم لج على خير يااااارب …ويهنيج ويرزقج الذريه الصالحه …. اما عن المكياج …فهذا متروك للماكيره …لا تحدينها في الالوان اذا انتي متأكده من شغلها ……وعن العدسات خذي ديور ….عجيييييييييييييبه …اختيه لبستها يوم عرسها والله انها كانت رقيص ماشاء الله …ومكيجتها هيفا صفر ….كانت روووووووووووووووعه ماشاء الله ….. انصحج بعدسة ديوور والله ما بتندمين لأنها تبان طبيعيه ……
خجوله تسلمين على الرد
اتمنى لج التوفيق الغالية