السلام عليكم ،،،،
خواتي انا حابة افاجئ ريلي بسفرة قصيرة في الويكند يعني من الخميس للسبت بس مو محصلة مكان قريب واقتنع فيه ،،،، احسن شي محصلته للحين البحرين لمدة يومين ،،، او الكويت مع اني مول مو متشجعة للكويت ….
واللي رايحة البحرين تقول لي شو افضل فنادق عندهم ،،،
شكرا
أنا انصحج بلبنان … شو بتسوين في البحرين ؟ من مول السيف لين مول العالي !!
يومين غيري في البلاد اماكن ومنتجعات اما الكويت والبحرين يبالهن اسبوع واذا برع سيري قطر بيوم بتخلصينها
االسلام عليكم ،،،
ملح دبي ،،، مفكرة بلبنان بس المشكلة انها تحتاج 3 ساعات في الطيارة ،،، يعني يوم الخميس كله بيضيع ويوم السبت لازم نرد على الساعة 11 او 12 يعني كلها يوم ونص …
والبحرين مثل ما قلتي كلها مولين ومافي شي غير …
ملكة الأحاسيس ،،، هذي هدية يوم ميلاد زوجي وهو من فترة خاطرة يسافر يغير جو بس ما محصلين فرصة ،،، الكويت مملة بالنسبة لي لأني سايرة ككم مرة واحس ما بتعيب ريلي ،،، اما قطر ما اقدر اسير لأنه اهل امي من قطر واذا سرت ودروا عني اقلتها يدتي ما بتخليني …
ومشكورين
امم عمـان حلوة 
بالذات صلاله
صحيح عمان حلوه ومو شرط صلاله علشان المسافه …
مناطق مسقط والداخلية
فيها اماكن كثيره وطبيعة جذابه وهدوء واستجمام
ملح دبي ،،، مفكرة بلبنان بس المشكلة انها تحتاج 3 ساعات في الطيارة ،،، يعني يوم الخميس كله بيضيع ويوم السبت لازم نرد على الساعة 11 او 12 يعني كلها يوم ونص …
والبحرين مثل ما قلتي كلها مولين ومافي شي غير …
أنا دوم اسير ويكند ، آخذ طيارة العصر يعني أوصل هناك المغرب و ارتاح شوي و انزل اتعشى أو اسهر عند ربعنا لبنانيين و ثاني يوم كامل و ثالث يوم ردو على آخر طياره الساعه 8 فالليل .. تمشو الصبح و اتغدوا في مكان عالبحر و أغراضكم في السياره ..
ان شالله لو يوم واحد، المهم الوناسه ..