هلا خواتي
منو عندها طريقة الفته بس تكون لذيذه يعني معتمده
up up up
للرفع
اولا اسويها بالدياي
اييب الدياي انظفه .. اقطعه قطع صغار و افركه ب ليمون و طحين
اشيط شوية بصل وتحط الدياي
افور الدياي بماي مع ملح فلفل اسود شوي لا تكثرين هال حب و مسمار و ورق غار
اخليه يفور لين يطلع الوصخ و ابدل الماي و احط نفس البهارات بس مع تقليل الملح
و اخليه يستوي
و اشخل الدياي مع الاحتفاظ بالمارقة لأنج بتستخدمينها
العيش اسويه عادي مشخول مع مسمار بس اطبخه مع شوي من مرقة الدياي
عشان ياخذ النكهة
و بعدين اييب روب و اصب عليه مرقة الدياي (شوي لا تكثرين) و اقطع عليه فلفل اخضر
هاتي الصحن و حطي فيه خبز لبناني و صبي عليه من المرقة لين ما يتشربه
حطي عليه العيش
و بعدين صفي الدياي عليه
حمري شوية مكسرات عليه كاجو و صنوبر و حطيه عالدياي
و صبي عليهم الروب او اغرفي لج منه و حطي عالعيش
ممكن تسوين شراتي >>>>> انا احب اغرق العيش بالمرقة هههههههههههههههه
و هذي طريقتي الخنفشارية السريعة والمعتمدة… ان شاء الله تعجبج
و على فكرة خفيفة عالمعدة و تشبّع و مافيها دهون تقريبا
و بالعافية الغالية و السموحة
انا اقولج،،،،
اغسلي الدانغو من علبته وحطيه في جدر فيه ماي شوي وملح وكمون وخليه يفور شوي… وييبي البايركس وحطيه من دون الماي طبعا… بعدين ييبي خبز وقليه لين يحمر وحطيه فوق الدانغو…. وعقب سوي الخلطة اللي هي طحينة وروب وثوم شوي وسماق ونعناع وكمون وليمون وملح اذا بغيتي،،،، وصبيه فوق الخبز وبسسسس…