ملجت بس مابكلمه :(

السلام عليكم بنات

امم ، شرعآ يعتبر ريلج خلاص
ونحن عندنا الام والاب مايتدخلون فالبنت بعد الملجه ، ولا يتحكمون فيها لانها خلاص حرمه متزوجه وعندها ريال يحكمها
ماقولج قولي لامج مالج دخل هو ريلي خلاص .. بس انا احاول افهمج ان ها ريلج بعد ، ومسووله عنه ومسوول عنج وتتحاسبين عليه ويتحاسب عليج
ف اذا من اولها جي صراحه .. صعبه !
انتي حاولي تفهمين هالكلام لامج بالهدوء وبالاسلوب الحلو ، قوليلها مابا يزعل مني وانا خلاص حرمته ها 1
2 قوليلها ممكن رفضي لتواصل معاه هو اللي ييب مشكله بينا مب كلامي معاه
اذا الكلام الحين بييب مشاكل عيل بعدين كيف بتعيشون ؟! انتي ف بيت اهلج وهو ف بيت اهله وبالاسم معرسين ؟!
اي بيت واي 2 تصير بينهن مشاكل ولكن مع العشره والصبر والحب يتجاوزون وبالعكس يقولون المشاكل حلاوه كل علاقه
لانها تبين لثاني شو بالنسبه له .. والله يسعدج حبيبتي ويستر عليج

مب غلط أنج تكلمينه خلاص ريلج وأنتي في ذمته
يعني أجوف أنها مش حلوة تملجين وما شيء تواصل بينج
وبين ريلج وما يجوفج إلا فالعزايم والعرس

أصلاً أحلى أيام هي أيام الملجة والكل يقولي هالجملة

لا تحاتين هم المكالمات، يلسي ويا امج وحاولي تقنعينها انه هالشي عادي والمشاكل اذا ما صارت الحينه بتصير عقب
ع الاقل بتعرفين ف هالفتره طبيعة ريلج واسلوبه وان صارت مشكله ولو بسيطه بتعرفين كيف طريقه ريلج ف التعامل
ويا هالمشاكل وهالشي بينفعج عقب العرس لانه لو صارت مشكله بتعرفين كيف تحلينها ف دقايق بدال لا تاخذ منج
ايام، حاولي انج تخوفينها وتقنعينها بنفس الوقت من هالناحيه وماشي ام تبا بنتها تواجه مشاكل ويا ريلها وما تعرف
كيف تتصرف لحظتها، اذا ما اقتنعت ف لا تتوترين واتمين ع اعصابج ريحي نفسج وتجهزي للحفله وخاصه انه العرس
عقب كم شهر ف عندج وقت كافي انج تتواصلين وتعرفين اشيا عن ريلج ف خليه يزورج ف البيت وعقب ابدي كلميه
ف الفون جدام امج وبس دقايق وعقب بروحج لين ما هي تتعود ع هالشي واذا عندج خوات او ابوج يقدر يقنعها كلميهم
وخليهم هم يكلمونها ، خذيها بالكلام الحلو وحاولي ترضين امج وريلج بطريقتج وان شاء الله كل شي بيتم مثل ما تبينه

الله يتمم لج ع خير

بس يا بنات انا قلت حق امي كل ها بس الغاليه أتم معنده ع اللي ف رأسها
انا يمكن اقول حق ابوي يكلمها بخصوص هالموضوع وان شاء الله خير

شرات اختي ملكت من اسبوع وماشي تواصل بينها وبين ريلها حتى ما زارها في البيت
وهي خاطرها تواصل وياه ع الاقل ف الفون بس ما تقدر هي تبدأ بتواصل…
وحفلة الملكة بعد اسبوع ونحنا ما نعرف عادات هذي قبيلة كيف؟!

كلمي ابوج وخليه يقنع الوالدة علشان ترمسينه ف الفون وربي يوفقج ويسهل اموررج