مرحبا امهات وبنات .. شخباركم ..عساكم بخير وسهالة
بنات بخبركم انا مربية صارلي 4 شهور .. وهذا اول بيبي .. صراحة وايد تعبني خاصة في الاربعين .. يعني والله تمر علي ايام ماكنت ارقد موليه فمابالكم العبادة .. احس اني وايد مقصرة فيها.. انا قبل لا اربي كنت الحمدلله ما افوت اي فريضة ودايما اقول الاذكار واسبح واذكر ربي وايد .. واذا سايرين مكان واذن الصلاة .. احشرهم برد البيت اصلي .. المهم بعد ماربيت .. في البداية ماكنت احصل وقت اتعبد .. صراحة لانه ولدي ماخذ كل وقتي يعني والله انا قايمة بيه بروحي .. اغسل ابدل ارضع .. وحتى اذا مرض انا اراكض بيه من مكان لمكان روحي .. ملابسه واغراضه انا اخذها .. يعني انا الحرمة وانا الريال .. لانه ريلي بحكم شغله اغلب الوقت مش موجود بالبيت .. بس الحين الوقت تغير الحمدلله ولدي شوي خفت رضاعته وانتظم شوي ارقاده .. بس انا ما اعرف شو فيني ما اذكر ربي شرات قبل يعني الاذكار اذا بقولها بقول شوي وبنسى اكمل وبلتهي باي شي .. والصلاة بسرعة بسرعة دهديه واخلص من دون خشوع .. لانه ماعندي حد يود ولدي اذا بصلي .. فمرات حتى اذا هو نايم بعد اصلي بسرعة .. والله ما اعرف شو اسوي .. احس اني وايد مقصرة بعبادتي .. حتى رمضان والله ماتعبدت فيه شرات الخلق خطف علي جيه من دون قراية قران .. انا بالعادة اختم مرتين .. هالمرة نص القران بس قريت .. بنات هذا شي عادي وبرد لطبيعتي ولا ؟؟
الله يعينج الغاليه
دوم رددي اللهم يامثبت القلوب ثبت قلبي على دينك
اللهم اعني على ذكرك وشكرك وحسن عبادتك
الغالية بتردين طبيعي لان ضغط الطفل مب شي سهل
فترة وبتعدي ان شاء الله بس عليج بالفرائض والاذكار وطاعة الزوج والاهتمام فيه
وهالشي كفاية انه يدخلج الجنة
كما قال الرسول عليه الصلاة والسلام
إذا صلت المرأة خمسها و صامت شهرها و حفظت فرجها و أطاعت زوجها قيل لها : ادخلي من أي أبواب الجنة شئت
والله يوفقج يارب ويسهل عليج يارب محنتج
ربي يعينج الغلا ^^.
دوم رددي اللهم يامثبت القلوب ثبت قلبي على دينك
الغالية بتردين طبيعي لان ضغط الطفل مب شي سهل
فترة وبتعدي ان شاء الله بس عليج بالفرائض والاذكار
حاولى اختى حتى وانتى ترضعينه او مشغوله معاه تستغفرين وتذكرين الله