شخباركم خواتي
ما بقى على المدارس غير سبوعين
وهالسنة عندي بتكون غير
أنا حامل لأول مرة وبالشهر السادس
فبشو تنصحوني؟
شو اللي لازم أراعيه؟
وطول الوقفة تضرني وإلا ؟
وشو اللي أبتعد عنه؟
على فكرة أنا مدرسة ثانوي
وبصراحة خايفة شوي من الدوام
ومو متحمسة له واااايد حرصا على حملي
فطمنوني الله يطمنكم
الله يعين الجميع .. التدريس صعب و متعب وايد أنا نفس الحالة .. مع بداية التدريس بكون ببداية الثامن .. أفضل شي سوي الي تحسين فيه .. توقفين ضروري مع التدريس بس لا تطولين بالوقفه .. أنا أقول لو تخزنين طاقة من البيت .. يعني ترقدين من وقت و اتمين مرتاحة في البيت و في المدرسة الله يعين
اهم شي لا تعصبين وايد
او تحرقين اعصابج
شي اكيد انه فيه بعض الطالبات متعبات في التدريس
بس الله يعينج ويسهل عليج
ولا توقفين واااايد عشان ما تتورم ريولج
واشربي ماي لانه الشرح بيعطشج
واهتمي بغذائج وريحي قد ما تقدرين
وصدقيني انتي في مهنة تدريس فالله بيكون وياج عزيزتي
وهيه الا 3 شهور وتمر ان شاءالله..
هلا أختي انتي نفس حالتي أنا حامل فالسادس وبكريه وخايفه من الدوام لأني أدرس رياض أطفال يعني بكون املازمتنهم والله يعين
ولي كاتبنه الله بيصير
الله يكون بالعون انا مب حامل وشايلة هم الدوام وخصوصا اني مدرسة رياض اطفال الله يعطيكم الصحة والقوة يارب وتقومو بالسلامة
اهم شي تحاولين انج ما توقفين وايد..
وان شاء الله ربنا يسها عليج..
لاتوقفيين واااااااااااايد
وشيلي وياج دبه مااااااااااااي عسب كل ماتعطشين تشربين منه
والله يسهل عليج ولادتج يارب
انا يوم كنت في تدريب الكليه صدق تعبت بس كنت اغيب لاني ماقدر اتحمل الله يعيين المعلمااات