المجموعة الأولى
2 كوب ماء دافئ
2 كوب دقيقة
1 فنجان سكر
2 ملعقة طعام خميرة فورية
2 ملعقة طعام حليب بودرة
المجوعة الثانية
3 أكواب دقيق
½ كوب زيت نباتي
الملعقة المستخدمة هي معلقة الطعام العادية . الفنجان هو فنجان القهوة . الكوب هو كوب جبنة بوك 240 مل
شخصياً أحب أضيف لها ½ ملعقة صغيرة من الباكنج باورد لانه يعطيها هشاهة حلوة
في البداية عجنة مقاديرالمجموعة الأول وبعد ما تخمرت ضفت لها مقادير المجموعة الثانية وصراحة أحب اني أخلي العجينة لينة بإضافة ربع كوب ماء زيادة إلى مقادير المجموعة الأولى . وأعجنها في العجانة وراح تطلع بهذي الصورة . عجينة لينة لكن متماسكة وأرش على السطح رشة دقيق عسب ما تلزق .
وبعدين بس مجرد أجمع العجينة مع بعض وأعجنها عجن خفيف وأرش دقيق على السطح إذا حسيت انها تلزق . لكم ما نكثر الدقيق بس مجرد رش خفيف.
وهذا هو شكلها بعد الانتهاء من عجنها
ولاحظوا أحبتي القوام المتماسك للعجين ولينة وفي نفس الوقت ما تلزق لاني ما كثرنا طحين ونحن نجمعها مع بعض .
اهني صوره مقربة لوضوح الفكرة لشكل العجين المثالي.
بعد ما نعجن العجينة نقسمها لدوائر صغيرة ممكن نفرد العجينة وبعدين نستخدم كوب ونقطع شكل الدوائر , وممكن نقطع كور صغيرة ونضغط عليها لحد ما تصير دائرية . وندخلها الفرن أحبتي لحوالي العشر دقائق على الرف الأوسط من الفرن على حرارة 140 درجة وبعد ما تنتفخ وتنضج ولكن اتم بيضاء نطلعها من الفرن . وهذا هو شكلها .
واهني صوره مقربه عزيزتي لشكل الدوائر بعد النضوج
وهذا شكلها من تحت لاحظوا مجرد لون ذهبي خفيف .
يتبع أحبتي
طبعاً ماشاء الله هذي كانت الكمية مال اليوم الرابع من رمضان وسويتها بيتزا بالاضافة إلى كروسان الجبن الي دايماً حاضر على سفرة رمضان
بكل بساطة عزيزاتي طلعتها من الفريزر وبعدين خليتها شوي لحد ما الثلج ذاب وحطيت عليها مكونات البيتزا الي هي (كاتشب, فلفل بارد, زيتون أخضر, وطماطم, وجبن موزاريلا)
واهني صوره مقربة للتعذيب
ودخلتها الفرن بس على الشواية عسب المكونات تنضج وتحمر والبتزا تطلع حارة وهذا هو شكلها بعد ما طلعت من الفرن.
واهني صوره للتعذيب أكثر بعد ما استوت.
هذي كانت معجنات اليوم الرابع من الشهر الكريم وطبعاً هذي الوصفة من أروع ما يكون بالذات اذا سوينها بيتزا أو زعتر ورشة سماق أو حطينا عليها شرائح من الجبن الشيدر والحلو فيها انج ممكن تسوين كمية كبيرة وتقسمينها على صحون بلاستك أو أكياس بلاستك وإذا احتجتي أو اتفجأتي بضيوف بس مجرد تطلعيتها وتحطين عليها المكونات وحتى إذا كنتي جوعانة وما تعرفين شو تاكلين راح تصير وصفة سهلة ولذيذة جدا جدا . أتمنى تكون حازت على راضاكم وانتظروني في وصفات قادمة من فطورنا اليومي
*
ماشاء الله تبارك الرحمن ،،،، يعطيج الف عافيه اختي شوكلاته ما قصرتي طريقه سهله وعمليه وااايد خصوصا للعاملات امثالي ،،، تسلمين مره ثانيه
وااااااااااااااااااااااااو
ماشاءالله تبـــــــــــــــــــــــــــارك الرحمن ..
عيني علييييييييييج باااااااارد خيتووووووووووووووو
دووووووووووووووومج مبدعه بـ اكلااااااااتج ..
الله يحفظج من العيييييييييييين ^_^
سلمت يمناااااااااااااااااااااج
^_^
الله يعطيج العااااااااااااااااافيه
امممممممممم يمي
ماشالله عليج
تسلم يمناج
المشاركة الأصلية كتبت بواسطة نصابو 
ماشاءالله تبـــــــــــــــــــــــــــارك الرحمن ..
عيني علييييييييييج باااااااارد خيتووووووووووووووو
دووووووووووووووومج مبدعه بـ اكلااااااااتج ..
الله يحفظج من العيييييييييييين ^_^
سلمت يمناااااااااااااااااااااج
^_^
الله يعطيج العااااااااااااااااافيه
هلا هلا هلا بنصابو
صباح الخير . مرورمج دائماً مميز عزيزتي . تسلمين على ردج وتشجيعج الدائم والمتواصل لي .