شحالكن اخواتي عسااكم بخير وسهاله
اخواتي انا مستحيه اكتب الموضوع بس ما لقيت حل فقلت امكن تعطني حل لمشكلتي اللي متعبتني ومتعبه نفسيتي
اخواتي انا اعاني من تعرق المنطقه الحساسه وايد متضايقه من هالموضوع ما ااقدر اطلع شرات الناس من اطلع فالشمس عرقت تعبت ما عرفت شو اسوي
واذا بتقولون عن اني ما اهتم فالمنطقه الحساسه بالعكس انا مهتمه فيها واايد
فديتكم اللي عندها حل لا تبخل علي واللي ما عندها ابا دعوه منكم
تعرق …
الجسم كله يعرق اول مره اسمع
الله يعينج ماعندي فكره
وعادي أختي أي حد يطلع في الشمس يعرق ؟!!
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
اختي تعرق الجسم امر عادي
بس والله احراج انا فكرت اروح لدكتوره بس ما اعرف هل اروح لدكتوره جلديه ولا لاء
استعملي مناديل جونسون وبعدها حطي على المنطقة بودرة تالك تنشف وتعطي ريحة حلوة
واذا حبيتي ريحة ادوم اطحني مع التالك مسك ابيض واستعمليه للمنطقة
ملاااااااااااحظة استعملي هذا مع المنطقة الخارجية فقط بعد التنظيف وازالة الشعر والتنظيف من جديد
موفقة إن شاء الله
و عليكم السلام و رحمة الله و بركاته
إختي سيري عند دكتوره أفضل لج .. يمكن سبحان الله عندج زيادة فالإفرازات و التعرق
كلنا نعرق .. بس اللي فهمته منج إنج تعانين بزياده ..!
سيري افحصي و جوفي .. هالشي أفضل و أريح .. لأنج بتاخذين الكلام الموثوق
من اصحاب الاختصاص ان شاء الله تعالى
الله يوفقج و يحفظج
