بخبركم سالفتي ويا الجامعه الي مضايقتني
المفروض اني أتخرج السمستر الياي
لكن هم بياخرون تخرجي للسنة اليايه !!
و المساقات الباقية بيخلوني أخذها حبه حبه عسب ما أخلص بسرعه !!
وانا وحده معرسة و عندي بنوته يعني أبا اتخرج باسرع وقت ..
و الي قاهرني أكثر أني من طالبات السكن يعني ما أشوف ريلي وبنتي لا بآخر الاسبوع ..
حاسة عمري بختنق من هالموضوع ..
حاولي تكلمين الإدارة 
لا اله الا الله
انزين ختيـه هم ليش سووا جي ؟؟ شو السـبب ؟؟
هممم وانتي كيف قدرتي تقعدين ف السكـن و وراج ريـل + بنوته صغيره ؟!
مآبي ازيدج بس احس صعبه انج تخلينهم 5 ايام وتقعدين معاهم يومين بس ؟! صعبه والله لج ولعيلتج ,,
بس سبحان الله كل انسان و ظروفه
آلله يعينج ويسهل امررج
كلمي الاداره
اختج ف الله
اختي
اللي ترتب جدولها صح عمرها ما بتتأخر
يعني الجامعه مب هم الي ياخرونج انتي الي ما عرفتي تسوين جدولج
طبعا هاي غلطة المرشد مالج المفروض ييلس وياج ويفهمج ..
والله حاسة فيج والله يعينج انا كل يوم ارقد واحلم اني اتخرجت ..
لا تايسييين ابدا ابد لو سكرووا كل البيبان فويهج
تخيلي ربيعتي عقب ما ظغطت عليهم حولووها من كلاسها ونقولها كلاس ثاني ( في وقت كان منتهي سحب واضافه) ،،مع ان سببها مش مقنع
وانتي صراحه وياج حق فانج تتخرجين وتخلصين فحاولي وياهم وظبطي جدولج حتى لو منقع
لان السمستر الي طاف المرشدة ما نبهتني ان شي مساق لازم أخذه لانه هو متطلب سابق لمساق ثاني مطروح هالسمستر .. و ما أقدر أخذه خلاص .. الله يسامحها بس