المطبخ التحضيري اللي سويته .. مكانه أول ما تدخلون الفيلا بيكون في ويهكم مثل اللي في الصورة فشو رايكم فيه أسوي له حاجز من الجبس ولا أخليه نفس ما هو…. لأنه اللي يدخل بيتي يقولي ليش مسوية مطبخ في مدخل الفيلا يحبطوني وايد…
أفيدوني
و
أعطوني أفكاركم أخواتي
هذي بالمخطط
وهذي الصورة قبل بناء المطبخ
وهذا المطبخ التحضيري
ان شاء يكون مناسب
لاني مب متخيلة الموقع عدل
بيت الهنا والسعادة باذن الله
أنا من رايي تسوين له جبس بديكور و حركة حلوة و بسيطة
و لا تخلينه مبين لأنه إذا من الحين اللي يدخل يقولج جذيه
فما بالج بيوم بيجهز
و بيت عمار و هنا إن شاء الله
سوي حاجز أختي أحسن.. بيبين كأنه منفصل عن المدخل..
وحطي جدام الحاجز كرسيين وطاوله ك ديكور ولوحه على اليدار ( الحاجز )
أو طاولة طعام
لأنه الصراحه بيكون شي غريب أول مايدخل الشخص البيت يشوف الطبخ في ويهه
والله انا شفت شقق فالتلفزيون يكون المطبخ فالمدخل مثل ما سويتي وشكله راقي
بس نظامهم اجنبي يعني كل شي بسيط
بس مادري اذا يناسب فيلا او لا
فراي على حسب التنسيق ببين حلو او لا
عادي المطبخ مجابل الصالة هذا نظام أمريكي عادي والتحضيري لازم يكون مواجهه الفيلا أي صوب كان هذا على حسب الرغبة والناس أذوق وغاية الناس لا تدرك ويوم تستشيرين إستشيري ناس على دراية بهاي الأمور وبالعكس الذوق وايد حلو وغاوي ومثل ما قالت إختنا روح بلا روح إنه تسوين مثل البار علشان التقديم وتحطين كراسي يعني تسوين ترتيب شويه وكل شي بيكون أوكيه إن شاء الله …
وإن شاء الله بيت عامر ويعطيج خيره ويبعد عنج شره قولي آمين
شو رايج تحطين نص يدار من البلك الزجاجي على الاقل يجذب العين تجاه بدال الواحد ما يشوف كبتات المطبخ … ويكون لونه ذهبي مثل اللي بالصوره بس بدون اللون الاخضر اعتقد بتحصلينه في محل بالشارجه ما اذكر اسمه الحين… بسأل عنه وبخبرج..
