السلام عليكم
حبيت اسال عن السوق الحرة لمطار دبي المبنى رقم 3 اللي هو خاص بطيران الامارات
السوق اللي في السيرة يختلف عن اللي في الردة؟؟
او هو نفسه ؟لانه سمعت اخت تقول انه اللي في السيرة فيه جميع الماركات واللي في الردة اشياء بسيطة وصغير
هالشي صحيح؟؟
انتو متى تتشرون من السوق عادة؟؟
اذا في السيرة..تخلصون اجراءات السفر وتسيرون للسوق لين يوصل موعد الطيارة؟يكفي الوقت؟؟
اترياااكم وشكرا
هوه نفسه الغاليه
لانج في السيره تمرين عليه و انتي مخلصه الاجراءات , بس في الرده تمرين من فوق السوق الحره بس اذا تبين تقدرين تدخلينه …
تعودت دايما يوم اسافر لازم اشتري كاكاو قبل لا اركب الطيارة … بس و لا مره جربت اشتري في الردة
صح يوم بتردون بتكونون في نفس المبنى بس
للمغادرون
شكرا لكم
افيدوني اكثر
هلا اختي
السوق الحرة في مطار دبي كله تحت ادارة وحدة و لكن المحلات تختلف
عندج التقسيم التالي:
المغادرون مبنى 1
المغادرون مبنى 2
المغدرون مبنى 3 (مبنى طيران الامارات)
بالاضافة الى القادمون في المباني الثلاثة
بالاضافة الى المحلات العامة و المتواجدة في اروقة المطار
طبعا محلات المغادرون هي الاكبر و الاشمل بالمنتوجات
محلات القادمون توجد فيها منتجات محدودة
و المحلات العامة تبيع الضروريات مثل الحلويات و الماء و العصاير و المجلات
اذا حاطة في بالج تتشرين من السوق الحرة فدايما الافضل تخلصين اجراءات السفر قبل موعد الاقلاع بفترة عشان يكون عندج وقت كافي للتبضع خصوصا انج لازم تكونين عند بوابة المغادرة قبل الاقلاع ب 45 دقيقة تقريبا و ساعات تكون البوابات بعيدة شوي
و اغلب المسافرين يتشرون في وقت المغادرة لانه البضايع مثل ما ذكرت اكثر و لانه يكون عندج وقت تاخذين راحتج
و انتي راجعة من السفر ما تقدرين تدخلين منطقة المغادرون و اغلب المسافرين يبون يخلصون الاجراءات و يروحون بعد رحلة السفر لانهم يكونون تعبانين و مرهقين
موفقة