السلام عليكم ورحمة الله وبركاته
خواتي انا وايد مضايجه من تصرفات ولدي
عمرة 3 وشوي يعني بيدخل الروضه ان شاءالله هاي السنه
وحالتي معاه حاله والله
وااااااااااااايد عصبي وما يسمع الرمسه وكله يطلب بصريخ وزعيج
ويضرب اخته الصغيرونه عمرها سنتين وشوي
ما يفكر في المكان يضربها بصدرها ولا بطنها ولا ظهرها
المهم مشكلتي اني مب عارفة شو اسوي معاه والله اني مرات اقعد اصيح من الوضع الي انا فيه
والمصيبه انه يمد ايده ويضرب الي اكبر عنه
وانا مرات افقد اعصابي واضربه لاني طفرت من وضعه
وفي نفس الوقت يغمضني لان بعمرة مب مال عصبيه وصريخ
والعناد عنده في الدرجه الاولى ( لا تسوي بيسوي)
وللعلم تراني ساكنه في بيت اهل ريلي (غرفة)
وهم الله يهديهم بعد موليه ما يساعدون بالعكس يزيدونه والله
واكثر خلافاتي مع بو العيال بسبة هالشي ( اهله ما يعرفون يتعاملون مع ولدي ويزيدونه)
عيزت واقولهم طنشوه تراه بيمل وبيودر الاشيا الغلط الي يسويها بس هل من مجيب
خواتي رجيتكن الي تدخل تدعي لولدي بالهدايه ان شاءالله والله يصلحه ويسخرة لي ان شاءالله
ان شاءالله دعوة منكن وقت الفطور
والي عندها حل تخبرني
ربي يجزي الجميع الجنه ان شاءالله
ويسخر لنا كل غالي
اختكن (ام العيال)
الله يعينج الغاليه
وربي يهديه ويسخره لج ويحنن هل ريلج وريلج لج
حبيبتي يمكن العيال بها السن جذي لأن ولدي بعد 3 وشوي بسير الروضه والله ما يتفاهم إلا بالصراخ والبكي ويحصل اللي يباه مع العلم إني أطنشه وساعات أضربه بسس ما شي فايده… الله يستر علينا ويسخرهم لنا يا رب….
هاي المشكلة
انج فبيت اهل ريلج وما تقدرين تتحكمين فيه ولا اتربينه
الله ايعينج
الله يعينج
كل اليهال جيه .. والله وانا اقرا كلامج .. كنج تتكلمين عن ولد اخويه فديته
بس متحملينه وانعرف انه بيكبر وبيفتهم
الله يهدي ولدج ان شاء الله ويسخرج لج .. ولا تتوترين ^^
حبيبتي كل اللي بسنه جي تصرفاتهم انا عندي عيال خواتي اللي بسنه مايتعاملوا الا بالصريخ حتى الفطور امهاتهم يطفروا بس انتي طنشيه وبتيه فتره وبيتغير