مصدووووووووووووومة صدمة العمر!!!!!!

السلام عليكم بنات بدش في الموضوع وما بطول عليكم
والله ما ادري كيف ابدى ومن وين؟!!!
احم احم بنات في ناس قرابتنا من اهل زوجي انا اعرفهم واحبهم واعزهم وايد وهم بعد المهم عندهم بنت في سن الزواج وهي ربيعتي بيني وبينها كم سنة وتدرس في الجامعة المهم طبعا البنية ما ياها نصيب مثل ما تخيلت من اول ما اتخلص الثانوية السالفة طولت شوية ووايد بنات من الاهل انخطبن واتزوجن وهي بعدها وانا دايما اتصل فيها واطمن عليها ونرمس عن اشيا وايد لكن في السنتين اللي طافن قل كلامها واتصالها وايد عسب دراستها في الجامعة وامتحانات وارتباطات لين الحين ما علينا
من فترة انتقلت وسكنت عدالهم على نفس الشارع والبنية يتني مرة وحدة بس بعد عزيمة مني وامها مازرتني ولا مرة حتى كل اهلهم ولا حد دخل بيتي والحين صارلي تقريبا سنة منتقلة مع اني دايما ما شاء ازورهم واخر مرة زرتهم لما ردت الام من سفرها وكانت رجلها مكسورة وطبعا ما انسى اخذ معي هدية او شي
وهم طبعا لا زيارة ولا اتصال بس علاقتي مع البنية
مرة كنت يالسة ويا عمتي ام زوجي وقلت لها اصلا انا عاتبة على كل اهلكم وخاصة فلانة (ام البنية) ما حد زارني منهم وانا من طبعي ما احب اخلي شي في قلبي مرة اتصلت على البنت وكلمتها ولا امها عدالها قلت لها بسلم على امج شكلها زعلانة ولا شي لا اتصال ولا سؤال ليش؟؟؟ قالت لا عادي ما في شي كلميها كلمتها وقلتلها ليش ما اتيون وما تسألون صارت تتعذر وما احصل وقت وما وما ……….
و وعدتني بزياة قريبة وطبعا طاف ما حد زارني مول
الحين الصدمة امس تتصل علي عمتي وتقولي ما اتصلتلج فلانة قلتلها من اسبوع او اكثر كلمتها و سلمت عليها وبس
قالتلي بنتها فلانة انخطبت ومسوين حفلة يوم الجمعة وعازمين وايد نا س غريبة ما عزموج ؟؟؟ (صدمة 1)قلتلها لا والله محد اتصل وما عندي خبر بالموضوع وانا وبناتي اصلا صارلنا اسبوع مريضين ومعزولة عن العالم تقريبا بس اروح المستشفى وارد بس (ما حد اتصل ولا سأل عنا حتى اهل زوجي )
الموهم قالتلي اتوقع انها ما بتعزمج !!!!!!!!!!!! (صدمة 2)
ليش قالتلي لانه بناتج اصغار وما يحبون يكون في صغاريه يلعبون ويخربون (صدمة 3) (بناتي اعمارهم 3 سنين وسنة و8 شهور وحبوبين وما يخربون ولا يكسرون شي اصلا فديتهم ما يطلعون وايد)
قالت فلانة (عندها بنت عمرها خمس شهور ) ما اعزموها عسب بنتها (صدمة 4)ليش اصلا بنتها صغيرونة ما بتخرب ولا بتكسر شي
الموهم قلتلها شوفي انا ما عندي حد اخلي بناتي عندهم وما عندي خدامة اصلا والمفورض يتصلون ويعزمون وانا ساعتها اقرر قالت انزين لو حد اتصل فيج وعزمج خبريني
بنات من امس وانا مصدومة يعني البنت تنخطب وما اتقولي وهي ربيعتي اصلا ليش شو سويتلها ولهذه اللحظة ما حد اتصلي وعزمني ليش ما ادري بس والله مقهورة من الخاطر الناس انا احبهم واعزهم مثل اهلي وفي الاخر شوفو شو يسوون فيني ليش ما ادري ؟؟؟؟؟
السموحة على الاطالة بس حبيت افضفض شوي وقولولي شو رايكم
ليش العلاقات في هالزمن جي
الله المستعان

لا حول ولا قوة الا بالله
الله يهديها

ذكرتيني في اربيعتيه الروح بالروح اعرفها أكثر عن عشر سنين من أول ابتدائي ونحن مع بعض وآخرتها يوم ملجت ما خبرتني!!!! مع اني وقفت وياها في كل لحظه قبل لا تملج لانها كانت تعاني من مشاكل بس للأسف وتوقعت تشاركني افراحها وتجهيزات العرس لاني اقرب الناس و وياها عالحلوه والمره بس سبحان الله لا اتصال ولا ماسجات ولا سؤال.. طبعا ما سرت عرسها اللي ما يبغيك لا تصيح تبغيه الله يوفجها فحياتها بس خلاص هالانسانه طلعت من حياتي وقلبي ويبت المحايه ومحيتها..

الله المستعان

اممممم غريبة …!!!

لو أنا شراااتج بكون أحسن عنهم بتصل وببارك لهااا يعني ولا كأنه مستوي شي.

اللي ما بغاك لا تصيح تبغيه
ولا تزعلين عليهم لان ما عندهم سنع