مشورتكم يالمتزوجات لربيعتي ظروري

لا حول ولا قوة إلا بالله

غاليتي المعارضـة في أغلب الأحيان ما تييب نفع

اذا عاندت الريال عاندها 100 مرة أكثر

خلها تكون ذكيـة وتكسبـه بالطيب

وخلها تطمن ان يمكن 90 بالمية من الرياييل الي حريمهم استشاروني في مشاكلهم نفس ريل ربيعتج

يعني هذا طبع سائد ,, وريلها ما يقصد يكون جاف معاها بس هذا الي تربا عليه !!

ولو كان يعرف أحسن أكيد مابيقصر معاها لإنها حرمتـه حبيبته

أول شي أختي النيــــة خلها تعدل نيتهــا لإن فيها خلل

يوم تهديه هديــة ,, ما تهديه عسب يهديهــأ !!

تهديه لإن الرسلول الحبيب عليه الصلاة والسلام قال تهادو تحابوا

يوم تقولـه كلام حلو ورومنسي تكون نيتها ان الكلمـة الطيبـة صدقـة وان هذا أجر محفوظ حقها ان شاء الله ^_*

يوم تتعدل له وتتكشخ له نيتها رضى الزوج الي هو شي مطلوب من اي حرمـة في دينا الكامل

وشوي بشوي ,, كل شي يي بالتدرج ,, مع الوقت ريلها بإذن الله بيتغير

طبعا ما بيستوي روميو ,, لإن روميو موجود بس في قصة خرافيــة ^_^

بس بيستوي حنون أكثر ان شاء الله

وانتي دوم يوم تخاطبينه قولي له يا الحنون ,, يا الرومنسي ,, يا الي تحبني ^^

حاولي تكرري له هالكلمات

وبإذن الله مع الوقت بتحصليها صدق استوت طبع من أطباعه

ولا تنسين أختي الدعاء في ساعات الإستجابـة والتقرب من الله سبحانه وتعالى

لإن كل ما رضيتي رب العالمين ,, كل ما سعدتي في حيانج الزوجية

وربي يوفقج أختي صاحبة المشكلـة وربيعتها ^^