[CENTER]
اليوم انا محتاره.. عندي مشكله .. وهذي المشكله بصراحه ما تخصني انا !!
لكن تخص صديقه عزيزه عليه وايد وهي ربيعتي من ايام المدرسه..
المهم ربيعتي هذي عرست من ثلاث سنين تقريبا.. وعندها عيال .. وعندها بيت بروحها ..
وبشكاره .. وسياره … وماشاالله مب قاصرنها شي..
الا شي واحد؟!!!!
وهو حب زوجها..!!
كان زواجها .. زواج تقليدي.. يعني سمعوا عنها وين الخوات والام وشافوها وعيبتهم وبعدين هو شافها ووافقوا .. وفي ايام الملجه اكتشفت ان ريلها كان يحب وحده ثانيه بس
ماخذها لان امه ما طاعت ياخذ وحده كان يكلمها في التيلفون..
واستوت مشكله عسب هالموضوع بس انحلت لانه حلف انه مايخصه فيها الحين ولا يكلمها…
وبعدين الله هداهم وعرسوا..
اول سنه زواج كانت حلوه الحمدلله .. . ويابت اول بيبي.. وكل شي تمام..والبيبي الثاني .. بعد الحمدلله كل شي تمام … بس الحين بدت اتحس ان زوجها قام يتغير عليها .. ويتكلم في التيلفون وايد. وشي ارقام مايرد عليها وقافل تيلفونه..
يعني وايد اشياء اتدل على ان عنده شي يخبيه.. واجهته بس انكر واستوت مشاكل عسب هالموضوع واتدخلو الاهل وكانت تبا تتطلق.. بس كانت تبا تتاكد قبل شي وحده في حياته ولا لا. لانها شاكه انه ردلها عقب هالسنين..
بصراحه هي مب ناقصنها شي..جميله وبيضا ملتزمه وتصلي .. وحاولت بكل الطرق انها تكسب زوجها ماقدرت.!!!! مشكلتها تحبه..
هي صديقة الطفوله وماتهون عليه اشوفها بهالحاله….
عطوني حل !!!
وكيف اقدر اساعدها .. وكيف تخليه يحبها وما يفكر في هذييج؟!!!!!!
اتريا ردكم بسرعه,… والي ماعندها حل ياليت لو تدعيلها ان الله يسعدها مع زوجها
الله يعينها ويهدي قلب ريلها ان شاء الله
هلا اختيه ..
احس انه هذي الي على التلفون مستحيل ياخذها .. يكلمها ويسولف معاها بس زواج ما اعتقد يتزوجها .. لانه لو كان يباها كان تزوجها .. لا تقنعيني انه امه مب موافقه .. لانه لو الولد يباها ما فيه ام ولا اب يقدر يقنع الولد ياخذ واحده غيرها .. صدقني اهو يتسلى معها مب اكثر .. واحتمال هتسليه وراها السبب .. يمكن في الفتره الاخيره ربيعتج اهملت ريلها شوي .. يمكن خذها انشغالها باليهال وسهر وتعب وياهم .. واهملته .. اهو حس انه فيه اهمال.. لانه انتي تقولين سنه اولى زواج كانوا سمنه على عسل .. واول ياهل كان تمام وثاني ياهل كان زين شو الي غيره .. وانتي تعرفين الريال لو اهملته زوجته ما بينصحها وبيقولها انتي هاملتني اهتمي فيني شوي .. لا الريال ثجيل .. بيدور في الواجه الثانيه في الصوره .. لقى مين .. لقى ربيعته الي كان يكلمها وربيعته ما قصرت استقبلته ..
حبيبتي خبيرها قولي لها ما بيتزوجها .. الريال مستحيل يتزوج واحده يكلمها .. اساسا ما يشوفها زوجه صالحه .. يامن عليها وعلى بيته وعياله .. اهي تحاول تهتم فيه شوي .. حتى لو هذا الشي على حساب نفسها .. اهي تبي زوجها .. لا تحاول تخسره .. الله يوفقها ان شاء الله ويرجع نفس الاول واحسن بعد
ماعرف بس نصيحتي واللي دايما اقولها محد بيقدر يساعدها غير رب العالمين ^_^
تدعي وتصلي القيام وتكثر من الاستغفار طول الوقت وبتشووف النتايج ^_^
يارب يحفظ لها زوجها ويحفظ لكل زوجه ريلها ويبعد عنهم خرابات البيوت …
الله يسعدها مع زوجها ويهديه لها…….. امين
شكرا على الرد…
بالعكس هي ما اهملت ريلها…. وبعدها في كل مناسبه ماتخلي شي ماتسويه.. حتى عيالها .. تخليهم عند اهلها وتحاول تطلع معاه … يتعشون .. ويغيرون جو
المشكله في ريلها….. لانها اكتشفت انه هو الي يتصل في البت وهي ماترد عليه… يعني هو الي يباها!!!!
صدقني الريااال مرتااح لحرمته بس قلبه ع الاولى
بس صدقيني حااولي اتقولين لها انه تكتب له بيت شعر غاوي لريلها
ولا اتحاول اطرش له مسجات يوم يرووح الدوااام
ولا ادلعه ع طريق المسجات ولا يووم اتشووفه واتحاول انه اتماالك عمرها ولا اتعصب عليه وااايد
بس صدقيني لحرمه تقدر اتغير من ريلها بس اهم شي اتكون مصره