السلام عليكم و رحمه الله و بركاتــــه !
مم خدامتنا هاي عندنا من كم شهر .. شوي عيوز اندونسيا بس والله مب مثل الباقيات 24 ساعه تقول ايه الكرسي و معوذات و تصلي و عقب ماتصلي ترقد عالسياده و صدق تخاف ربها و تطبخ و تشتغل بححب و وايد طيبه حبووبه و.. من كم يوم اسمعها تقول تبا ترد البلاد سألتها ليش؟! قالت انا رييلي بفلوسي مسويه بييتي و بيتي ف اندونيسيا صدق حلو تقول انا عيووز ! من عمري 21 سنه و انا اشتغل بشكاره من بلاد لين بلاد عشان رييلي و عيالي .. و ابني بيتي ! و رييلي راتبه فوق 2024 درهم اماراتي بس هوه ف اندونيسيا يشتغل سايق باص شي جي! المهم قالت .. انا وصلني خبر انه مدخل وحده بيييتيي و راقد وياها 15 يوووم .. اهلي ماخبروني عشان قلبي مايعورني … و عقب اكتشفت و انا فالبلاد .. كيف ؟ تعرفون كيف .. هاي الي ريلها يابها بيتها الاندونسيه الثانيه يت تشتغل فالبلاد .. متصله ف خدامتنا تقول .. بيتج وايد حلووو !! يجنن حماامج روعه ! و حلو و مادري شو و انا يلست ف بيتج 15 يوم ويا ريلج! وقاااحه ريلها معطي الحرمه الرقم عشان تخبر خدامتنا الي هي حرمته و يلست تصيييح تصييييييح
تقولي انا من عمري 21 سنه اشتغل عشانه و مادري شو
تقوول . {حرفين} آننناا والله قلبي يعورني يعوورني .. اصلي و ادعي و كل شي بس بعد قلبي فيه عواار ابا اكمل سنه و نص و برد بلادي اشوف شو يستوي من وراي !! والله تكسر الخاااااااططر … 
حتى كل ما انزل الصاله اسمعها تقول ايه الكرسي و يوم انزل اصلي العصر فالميلس اشوفها راقده عالسياده!… الله يصبررههههااا ><" يااارب ..
=) السموحه تراني ماعرف اكتب واضيع عدل ههههه><" !!
حليلها الله يصبرها
الغالية معظم الأندونيسيات يعانون من هالمشكلة
الحرمة تتغرب وتشتغل والريال يخونها والعياذ بالله (وساعات مع أقرب أقاربها )
للأسف مشكلة مجتمعهم ان الآية انعكست / الريال يالس والحرمة تكد عليه
يعني ما شي قوامه للرجل
حرااام مسكينة
غمضتني
الله يكوون في عووونها
حسبي الله على ريلها
الله يعينها
الله المستعان