بس داخلي انا مقتنعه جدا باللي اسويه و اشوف اني جدا صح في هالزمان اللي صارت فيه الخيانه مثل الهوا اللي نتنفسه
المهم كان زوجي عنده سياره وبعد ما طلعت اليسن طلبت اني اشتري سياره ودرنا على المعارض وفي الاخير جالي يا بنت الناس انتي خذي سيارتي و كملي اقساطها وهو كان توه ييابنها وانا راح ايب وحده ثانيه
وافقت وطلبت منه ينقل الملكيه باسمي واتفقنا بعد سنه ويوم راح سجلها سجلها باسمه و جالي اف نسيت (كنا متفقين قبلها بكمن يوم)
قمنت عطيته مفتاح سيارته وجلتله خلاص مشكوره انا راح اييب سياره يديده وادفع كل ثمنها و ارتاح
جامت الدنيا وما جعدت لما اشتريتها وانتي تتحديني و احنا ما عندنا فلوس المهم انه بعد 3 شهور بدل سيارته
ثاني موقف كان يبى يشتري بيت واتفقنا اني راح اشترك معاه وادفع نص القيمه الشهريه للقرض وتم وجلتله انو يسجلي المبلغ اللي راح ادفعه فالبيت باسمي يعني حسب 20% 50% جد ما أدفع يسجل
عصب و انه لا وما نسجل باسم حريم اي شي وانا اشوف ان هذا حقي المهم بعد هالموقف ما صرت اشارك معاه في هالقسط الشهري بس وربي يعلم اني متكفله بنفسي و اولادي حتى اني مااخذ منه راتب شهري حج البيت والله ما مديت ايدي و طلبت منه درهم 5 سنين
5 سنين ما يابلي غير خاتم واحد ذهب هديه وما يعرف تهادو تحابو وانا الهدايا من أغلى و افخر الماركات
اصلا من بداية الزواج لازم الزوجة تراعي زوجها و تساعده ف شغل البيت
بس مساعدة هي مب مجبووورة بس مب بزيادة تدفع يعني تخصص مثلا من راتبها 2024 درهم للبيت
حتى بناء البيت مب عيب تبنين وياه بس مب وجهة نظري الخاصة يكتب بينج و بينه النص بالنص
في حريم عادي عندهم بس هاي وجهة نظري الشخصية
لا حول ولا قوة إلا بالله
وايد نفس حالة وصابرات…………شوه بتسوين عشان العيال
السلام عليكم
مايجوز الحرمه تنفق على بيت زوجها والبارحه بالتحديد سمعت في قناة المجد للحديد ان الرسول نهى عن انفاق الزوجه الا في حالات ، بتأكد أكثر من صحت الحديث وبرجع بكتبه
على العموم اتعلمو يا حريم الامارات وخذو العبرة ان الريال ما ينعطى ويه لها الدرجه حتى لو كان ملاك لانج بطيبتج وكرمج تجبرينه على انه يخونج ويفكر باغراءات هاي الدنيا من مال ونساء خلي بينج وبينه حدود والله سبحانه وتعالى عطاه مسؤولياته مثل ماعطاج مسؤوليات في البيت والمال والصرف والانفاق هاي من مسؤولياته وأتي عليج التربية والرعاية والاهتمام
مادري ليش مانتعلم من اخطاء غيرنا الله المستعان
الغلط منج يوم أعتمدي على عمرج وصرفتي على البيت
زادت فلوزة وعرس
الحرمة صح لازم تكون عندها شخصيتها وأحترامها وتتخذ قراراتها الخاصة
بس طريقة إعلام الطرف الأخر بالقرار الي تتخذه الحرمه يباله شطاره وأسلوب وكل شي بالتفاهم بيصير
المشاركة الأصلية كتبت بواسطة أم سيفو 
زادت فلوزة وعرس
الحرمة صح لازم تكون عندها شخصيتها وأحترامها وتتخذ قراراتها الخاصة
بس طريقة إعلام الطرف الأخر بالقرار الي تتخذه الحرمه يباله شطاره وأسلوب وكل شي بالتفاهم بيصير
صح والله انتي صح بس هاي انا اللي مسويه شوي كونترول في بنات يعطون كل رواتبهم لازواجهم !!! والله اني استغرب
الله يهديج أختي شوفي بقولكم معلومه،، الحب فطره الله خلقها في الحرمه فمن الطبيعي انها تحب ريلها وعيالها
أما الريال يحب الشي اللي يصرف ويخسر عليه،، كيف يعني،، إذا دفع دم قلبه على سيارته أكيد بيخاف عليها وبيكون حريص وايد وبيحس أنها قطعه من قلبه ،، ونفس الشي الدراجه ،، البيت ،، أي شي يكون هو مخسر ودافع بيزات فيه،، نفس الشي الريال يتعلق في حرمته وعياله أكثر إذا صرف عليهم ودفع من جيسه لمصاريفهم وتحمل اعبائهم ،، الله خلقهم بهالطريقه ،، وإذا انتي غيرتي هالنظام لازم بيكون في خلل ونقص هو يبا يعوضه وبالتالي الزواج الثاني ،، ما تشوفين اللي تضحي تاكلها بالاخر واللي تاخذ وتاخذ وتاخذ تحصل الحب كله؟! غيري أسلوبج من اليوم والله يسعدج ويصلح أموركم يا رب ،،