السلام عليكم والرحمة الله وبركاته
بدخل في مشكلتي الدراسية على طوووووووووووووووووووووووول
انا وحدة ما ابغي اكمل دراستي جد .. بس المشكلة مب على كيفي … خلصت الثانوية العامة ابسلام واحلامي كانت اني اذا عرست ما اكمل دراستي الجامعية
الحمدلله عرست وو احينه مجبووورة اكمل دراسة الجامعية غصبن عني ابويه وامي وريلي يبغوني اكمل دراسة .. وكل ما اخبرهم اني ما ابغي اكمل يقولون الشهادة مهمة وما تدرين شو يستوي بالظروف .. على فكرة وايدين يحبطوني ويقولون ما بتكملي دراسة
انصحووووووووووني شووووو اسوي
يزاك الله خير
بتستفيدين من شهادتج يوما ما
و بعدين ابا اعرف شي
ليش كل البنات طموحهم بس الزواج عقب الثانوية..!
كل وحدة قالت و الله بتريا المعرس
انزين يالج المعرس و بعدين؟
خلاص ماطورين ف عمرج؟
احس التفكير مول مش منطقي
ياااحضج امحصله حد يشجعج 00وبعدين الدرااسه بتنفعج انتي
وصدقهم 00ماا تدرين شو الزمن مخبي00ياااليتني احصل حد يشجعني شرااتج
حبوبة ادرسي تراااا الدراسه بتفيدج حتى في حيااتج الاجتماعيه
والله يوفقج ويسعدج الغالية
كملي دراستج شو خسرانة
والله الايام تمشي بسرعة وما بتحسين الا وانت متخرجة خلاص
كملي دراستج على الاقل شي يسليج داخله طالعه وتشوفين بنات
والله انتي نفسي انا بعد جي كنت مفكرة اني ما اكمل بعد عرسي…
بس الحمدلله ريلي واهلي شجعووني.. واشكر ربي اني كملت وهذه اخر سنه…
وصدقهم الشهااااادة اهم الواحد ما يندرى شو بيستوي جدام؟؟
الغالية
شهادتج سلاحج وما في حد بيفيدج غيرها والنعم بريلج وبهلج يوم يفكرون جذيه
وانتي بعدين بتحسين بقيمتها وهذا حق نفسج مو حق غيرج
السموحة
انتي الخساره
بس بصراحه اهلج وريلج يبغون مصلحتج
انتي ما تعرفين شو بيصير بعدين على الاقل تدرسين وتخلينهااا ولا تشتغلين شو تبغين اكثر