السلام عليكم ورحمة الله وبركاته ….
أكيد تذكرون موضوعي الجديم ابوي حيرني بتصرفاته 2
http://forum.uaewomen.net/showthread.php?t=778980
من 4 شهور صارت مشكلة كبييييرو بيني وبين ريلي … ووصلت للانفصال …
انا كنت ف بيت اهلي … ريلي ما كان عنده حد يرمسه عشان الانفصال …
طرش مسج لأبوي وقاله لو سمحت عمي رد علي ,,, لو تهمك حياة بنتك رد علي .. لاننا بننفصل …
ابوي على طول اتصل بريلي وقال له حياااك ف مكتبي … تعال وبنتفاهم .. لا تطلق ولا شي .. انا ابوها وموجود …
المهم .. ابوي طلبني أني أسير عنده .. عسب يسمع الكلام مني .. وشو راايي في الموضوع ..
انا يوم عرفت من اخوي ان اخوي يبا يشوفني …
ياني شعور ما أدري شو أفسره ؟؟؟؟ شوق ولا عتاب ولا فرحة ولا حزن !!!!!!
المهم سرت عنده .. وأول ما شفته نسيت المشكلة اللي أنا فيها … ولويت عليه بالقو .. وقلت له ابوي اشتقت لك .. وتميت أصيح .. وهو دمعت عيووونه وكاااان واااايد زعلاااااان …
قلت له ابوي لاااازم تستوي مشكلة عوووودة عسب أشوفك ؟؟؟ وينك عني من 4 سنين ؟؟؟ ما حسيت بوجودك في حيااااتي موووول .. وهالسبب أثر في حياتي ويا ريلي وأهله …
وااايد أشيا تراكمت وياما مرت علي أيام أحس أني مختنقة وأبا أرمسك وأتصل بك .. وانته تكسرني من داخلي ولا ترد علي .. واللي حولي يستقوون علي أكثثر .. لين وصلت لهالحالة …
المهم طلعت اللي بخاطري .. وهو عيونه تدمع ويمسك عمره …
آخر شي قال لي .. ما عليج لا تحاااتين ولا تفكرين بشي .. انا بحل الموضوع بطريقتي .. والريال تراه شارنج .. بس شيطان ودخل بينكم … المهم … آخر شي قاال تامريني على شي ؟؟؟
قلت له سلامتك .. بس طلبتك … لا تخليني يا ابوي … لويت عليه وانتهى مجلسنا بدموع حاااارة بيني وبينه …
المهم … الحمد لله امحلت مشكلتي بفضل الله ثم بفضل ابوي …
ومن ذاك اليوم وابوي الحمد لله ما قطعني .. يمر علي البيت بين فترة وفترة .. وأول مرة كان يشوف فيها عياااالي .. لعب ويااااهم والحمد لله اندمجو وياهه .. ما استغربوه … والحمد لله كل يوم ارمسه وأسمه حسه … ..
بس تدرون بصراااحة .. صح اني كنت متولهة عليه وااايد .. بس أحس عقب ما رد لحيااتي ..
بصراااحة أحس انه انسان يديد ف حياااتي .. ما أدري ليش كلامي وياه رسمي نوعا ما … ومن داخلي خووف ما ادري من شو ؟؟؟ وما أعرف ليش هالشعور فيني ؟؟
ما احس اني مرتاااحة ويا ابوي … هل هالشعور طبيعي ولا ؟؟؟؟
تحيااااتي لكم حبايبي ^^
شعورج اتجاه ابوج يمكن من الجفا اللي شفتيه من 4 سنين
بالتدريج بتنسين هالشعور وبتندمجين وياه وبتروح الرسمية بينكم
فرحت عشانجوان شالله ك بيوت المسلمين فيها سعادة وتفاهم .
موفقة حبيبتي والله يديم المحبة
حبيبتي شعورج جداا طبيعي انتي قلتيهاا انساان يديد ^^
طبعاا مب يديد لان ابوج لكن توااصله معااكم هو اليديد قديتج
عطيه فرصه يعوضج ويعوض عياالج حناانه واهتماامه ^^
ونصيحه فكري بأبيجابيه واتركي السلبيه عنج والحمد لله ان المشكله انتهت على خير وأن شااء الله دوم الخير فيكم
الله يسعدكم ياارب
سبحان الله ليش الريايل جي او ما يكبرون ويوصل زواجهم اكثر عن 25 سنه ويكون عند الريال فلوس للاسف اول ما يرفس تكون الام الي تعبت وتغير شكلها عشانه عياله وايام الفقر يوم كان هو ما عنده فلوس وايد ,,,,,,,,
سبحان الله يوم اشوف هذه التجارب اخاف من الدنيا صح كلنا بنموت بس شي يخوف
شخبار امج الحين انشالله احسن ليش ما يبتي طاريها وليش ما تتواصلين معاها
ماماتي الحمد لله علاقتيث فيها مثل ما هي … ولا بتتغير طول ما الروح فيني ..
وابوي الله يعييني ع بره ..
من فترة قطعني مرة وحدة .. ولا أدري ليش … اتصل به كل يوم ولا يرد علي !!!!
قلت ف خاطري ايوااااا ردييينا …
المهم ولدي الصغيروني مرض وترقدت في المستشفى طرشت له صورة ولدي وعقب رد علي ..
قلت له عسى ما من شر ابوي صار لي اسبوع ما سمعت حسك ..قاال كنت مشغوووول ..
ورد عااادي وزارني في المستشفى …
خوووفي يرد شرااات قبل ..
ادعوا له بالهدايه
الله يحنن قلبه عليكم دووم
ويهديه