مشكلة ولدي مع الدراسه

السلام عليكم …
عندي طفل عمره 10 سنوات ونص يدرس في الصف الخامس ابتدائي بس ما يعرف أساسيات القراءة والكتابه كان في مرحلة الروضه في مؤسسة زايد فرع المفرق ..درس عندهم الروضه في قسم التدخل المبكر وسنه في التنمية الفكرية ودمجوه في مدارس التعليم العام يأخذ 3 حصص في الأسبوع مصادروباقي الحصص مع الطلاب بس.. الولد مو فاهم أساسيات القراءة والكتابة لتقولون هاتي مدرس في البيت جبت له مدرس فهم الارقام ومو بترتيب ومو كل الأرقام .. يحب العب ويحب الاجاهزه الاكترونية عشان كذي ركز على الأرقام وفهم شوي حاولت انا ادرسه أحس ما يركز معاي ومو مهتهم سويت له نظام المكافات ماشي فايده .. الحين يقول انا ماريد المدرسة الأولاد يطنزون علي يقولون اني معرف اقرأ ولا اكتب وكليوم نحن نوديه يتم يصيح لين يروح عليه الباص والطابور ف معرف كيف أتصرف أو اساعده أن يفهم حتا لدرجة إني افكر اخليه يعيد خامس وعلى كلام الأساتذة أن الولد ما ينفع يروح العام القادم لمدرسة اعدادية لأن عقله أصغر عن سنه ساعدوني الله يساعدكم

الله يحفظه و يسر له كل صعب

الله يعينج حبووبة

مري عليها و بتدعين لي

نفس بنت أختي وما عارفين شو المشكلة
خبرينا أختي لو حصلتي حل لأن في ناس عندهم نفس المشكلة
الله يخليه لج^^

حاولي تكثفين وقت تعليم الاساسيات و لو يئستي من الموضوع ممكن تخليه هالسنة فالبيت يتعلم طول الوقت الاساسيات .. لانه ما بيستفيد لو ما عرف الاساسيات وبيتعقد اكثر لانه ربعه يطنزون عليه .. او انقليه مدرسة ثانية .. هو مشكلته ويا الطلاب الثانيين .. ممكن بعد تكلمين الاخصائية تكلمهم وتكلم اهاليهم .. بس ماعتقد انهم بيسمعون الكلام

الله يعينج وتنحل مشكلته حبيبتي عرضيه على حد مختص في عندج الدكتور احمد النجار له عيادة خاصة بالاطفال بالعين انصحج به وان شاءالله الحل بتلقينه عنده خليه يشوف ولدج هو شخصيا اتمنى اكون فدتج اختي

وعليكم السلام ورحمة الله وبركاته

أختي ولدج عنده صعوبة تعلم في القراءة والكتابة ، كان المفروض تتلاحقينه من قبل ، لكن ملوحقة بإذن الله ، في بوظبي ما اعرف مختصين في صعوبات التعلم لكن في دبي اعرف الاختصاصية منى كاظم هذا رقم مكتبها 045078000، خذي موعد عندها على الاقل تقابله وتقولج شو عنده بالضبط ، وهذا حسابها في الانستقرام تابعيها بتستفيدين ان شاء الله xxxxxxx ، وانت بعد دوري في بوظبي مركز لصعوبات التعلم وان شاء الله بتحصلين .