مثل ما قريتوا في العنوان احاتي امتحان مادة الانجليزي للصف الرابع
لانه ماشي منهج ماشين عليه والشركه اللي زاخه المدرسه تعبانه ولا يسون شي ماشي تعليم مثل الناس
اتخيلو اغلب المدرسه راااااااااااسبه بالنجليزي صف رابع وخامس
ويوم يو الاهالي في الفصل الاول يشتكون ويتحرطمون محد سوى سالفه اوني عيالكم مايذاكرون
يعني كل المدرسه ما تذاكر
قلنا لهم عطوهم منهج مثل الناس عشان نعرف شو نذاكر لهم
والاجانب خبر خير مو معولين الله ياخذهم ويشلهم من مدارسنا اللي خربت من دخلو
اتصلت اختي في المجلس لكن محد يرد
حتى لو ردو شو بيسون تراهم عاطين الاجانب ويه
وهم مايستاهلون
والله مقهوره ومو عارفه شو بدرسه للامتحان وما يعرف شي
ولا قبل الامتحانات مسوين اجتماع للاولياء
ويودي الخناقه اللي صايره
بين مدرسات الانجليزي والاولياء والاهل طفحو وتعبوا وهم يرمسون
خاصه يوم قعدوا الاجانب يتفلسفون عن الامتحان كيف بيكون يريتهم درسو العيال شي عشان يتفلسفون
حسبي الله عليهم حسبي الله عليهم
والله المديره تقول ما بايدي شي و الاداره
يعني الاجانب يتحكمون فيهم معقوله
وان شاء الله لي موضوع ثاني عن هالسالفه
الله يفكنا منهم
نفس المشكله الي انا فيها خخخخخ سبحان الله كوبي بست
للرفع
تراهم ما يبون المواطنات يدرسون الطلاب لانهم يبون يرفعون من مستوى الطلاب في الانجليزي
ما يعرفون إنه أغلب المعلمات الاجنبيات اتعلمن يرمسن عربي مكسر مع اليهال
والله إني اشوف المعلمات الاجنبيات إلي عنا ويدرسون البنيات ولا البنات قامن يرمسن عربي مكسر مثال ( الفسحة بالعربية )صارت علسان المعلمة ( الفسهة ) وهم صارت على لسان البنات فسهة
ولا تعليق سوري بالانقريزي (نو كومنت).gif "12 (34)")