خواتي انا واايد ضايجه من نفسي كل شي اباه حققته الا الشهاده انا ادرس فالجامعه واداوم عالفاضي لا اذاكر ولا اراجع ولاهم يحزنون اجوف ربعي يذاكرون ومهتمات وكل مره اقول خلاص من ارد البيت بذاكر وبهتم عسب يوم ايي الامتحان مايكون كل شي ماتراكم بس من ارد البيت ولا شي اسويه انا مب معرسه ولاعندي شي يشغلني عن دراستي بس ماعرف شوصاير فيني فالمدرسه ماكنت اذاكر ولا اهتم قلت خلاص اللي ماحققته فالمدرسه بحققه فالجامعه ولكن للأسف معدلي واايد نازل واباه يرتفع بس كيف بيرتفع وانا ماذاكر بنات مرات اقول خلاص بطلع من الجامعه بس فكرت قلت لو طلعت وين بسير انا اعرف ان الشهاده ضروريه هالزمن وانا محد ينفع حد بس احس شي بداخلي يمنعني من جهه الدراسه احس اني مب متوفقه في دراستي انا قبل خذت دروه icdl بس للاسف باقيلي امتحان واحد ولا كملته هذا من غير الخساير اللي خسرتها عالمواصلات وامتحانات الاعاده والله ان انا اول وحده اخذها فالعايله والكل دوم يسألني عنها لين خلاص كرهتها ولاكملتها خذت دوره الايلس ولاهتميت ماراجع اول بأول ولا شي انا اعرف انا فيني اهمال مب طبيعي وفي نفس الوقت احس بملل ابا اذاكر واجتهد ابا احس اني اتعب ابا استانس شرات ربعي لويبت فل مارك بس كيف
بنات الله يخليهم لاتطنشوني عطوني نصايحكم وادعولي والله اني وايد ضايجه هيه صح بعد مهمله وايد في صلاتي الحمدالله اصلي بس متاخر وماقرأ قران احاول بس ماعرف شو صاير فيني بليز بليز نصحوني وادعولي اعرف اني هذربت واايد بس من الضيج اللي فيني
حبيبتي انزين ارتاحي سمتستر واحد لا تدرسين هالسمستر
عشان ترتاح نفسيتج .. و اترتبين نفسج و تتهيئين نفسيا و فكريا و معنويا
و ع السمستر الياي بتقدرين تدرسين و لا تاخذين مواد واااااااااايد
اخذي هنتين دسمات و هنتين خفاف عسب ما اتحسين بملل او بهم المذاكره
وعليج السلام والرحمه
غلاي مافي شي مستحيل وبمجرد انج قررتي هذه بدايه تصحيحن فيها غلطتج
في شي يشغلج عنـ الدراسه او الصلاهـ , فحاولي تبتعدين عن هالاشيا اللي تشغلج وتبدلينه باشيا ثانيه مفيده.
يبي ورقة وقلم ورتبي جدولج اليومي , وحطي لكل وقت شي ’ وقت لنفسج وقت لمذاكرتج وقت للقرآن
والمراجعه وايد مهمه وانتي بنفسج يوم بتراجعين بيخف عليج يوم بتين اذاكرين للامتحان ,
ونصيحه مني دامج بديتي في الشي استمري فيه لين تحصلينه مثل الدورات , ^_^
واكثري من الاستغفار وادعي ربج انه يهديج
ربي يوفقج الغلا
واتقولين له باللي خاطرج فيه واللي مضايجه منه وأنج ليش مب قادره اتذاكرين واتذكري
اهلج أمج وأبوج اللي يالسين يصرفون عليج عسب اتحصلين الشهادة وهذا غير المصاريف
وأنه اللي وفقج وعطاج فرصة أنج ادخلين جامعة لأن غيرج مب لاقيها والله , استحضري كل هالأشياء
يوم اتناجين ربج واشكريه على هالنعمة اللي غيرج تمناها واطلبي منه يعينج بالحفظ . بس عساس
هو يعينج لازم اتعينين نفسج وتغضبينها على المذاكره وخذي موقف جاد تجاه الموضوع .
افتحي كتبج وركزي وإذا أي موضوع مشغلنج خليه ع جنب وفكري بعهدج ويا ربج وأهلج ونفسج واتخذي موقف صارم
ولا اتفكرين بمعدلج وانه نازل فكري أنج اتركزين واتم المعلومة فراسج لين ما تتخرجين إن شاء الله .
فعمره التيلفزيون ما بيقلب لنا القنوات يوم نشتهي انطالع القناة الفلانية اروحه , لازم انقوم نحن ونمسك الرموت وانغيرها بانفسنا عقب كل شي بيتغير للي نباه .
وموفقه .
شكرا خواتي عالنصايح
وربي يهديني 
اول شي اذكري ربج وخلي عندج هدف
والو شي امسكي ورقه وقلم ..
واكتبي الجدول الي ينااااسبج
من تردين البيت
ولين الرقاد جدول يومي وغص تسوينه واهم شي المذاكرة
وكوزعي دراستج واجتهدي ها الشيطان والطيش الي فيج يمنعج صدقيني
عقب اذا نزل معدلج ما بتقدرين ترفعينه انذار ورى انذاااااااااااااااااااااار
فانتي اذا خفتي ع نفسج راح تذاكرين
مشكوره ام ابراهيم