سلام عليكم بناات
شخباااركم ؟؟ أن شا ء الله بخير
باقي لعرسي تقريبا شهرين
وأنا بصراحه ما بديت أهتم بجسمي فبشو تنصحوني أبدي وشو الخلطات اللي تنفع وما تضر وأنا عندي أختلاف بلون بشرتي في مناطق داكنه عن الباقي
وأنا إذا شليت شعر جسمي بسرعه يظهر ويطلع لي حب
وشعري قبل كان أحسن فيه صحه اللحين كله يتقصف وضعيف
ممكن تساعدوني وأن شاء الله ربي يساعدكم شرات ما تساعدوني
ماعليه ياعسل شهرين يكفون
اول شي انصحج تنامين بدري عشان صحتج وبشرتج
وتشربين ماي وايد وسيري العيادة وسويلج فحص دم لو طلع نقص حديد ولا فيتامينات
تعوضينهم شوي لان التغذيه من داخل اهم من برى واشربي عصير برتقال كل يوم الصبح
::
هالخلطه للجسم حاولي تحطينها كل يوم لان ماعندج وقت وايد والخلطات
ماتبين بيوم وليله وهالخلطة وايد حلوة تبيض وتوحد لون البشرة وتنعمها
( روب + سدر + حليب بودرة + ماي ورد )
::
وهالخلطة للويه عادي لو خليتيها كل يوم بعد وايد حلوة
نفس الشي تصفي و تبيض الويه انا مجربتنها
( روب + ترمس مطحون بتلقينه فأي عطار + شوي زيت زيتون وعسل )
::
بنسبة لشعرج انا بروحي اشتكي من شعري خخخخخ
بس بالنسبة للتقصف قصي اطرافه وفي حمام زيت ف نزيه اسمه 4*4 لونه اسود
وايد اوكي فترطيب الشعرر
وممكن تشتركين فصالون تسويلج حمام زيت كل اسبوع
وفالبيت تاخذيلج اي زيت حتى لو من المنتدى ودوم زيتيه قبل السباحة
وشعر الجسم انصحج ف مكينه فيليبس وااايد اوكي جنج شاله بحلاوة
وماتعور وايد
في شغلة نسيتهاا
اشتري غرشتين سبري فاضيه بتلقينهم ينباعون ف دايسو
حطي فوحده ماي ورد و الثانيه زيت زيتون خليهم عندج فالغرفه
الصبح قبل ماتغسلين ويهج رشي ع ويهج ماي ورد واي وقت تفضين
و زيت الزيتون حطي قريب من سريرج كل يوم قبل ماترقدين
حطي منه ع ايدج واظافرج وشوفي كيف بتستوي اظافرج قويه وحلوة
مبروك مقدما
ان شاء الله البنات يفيدونج
للرفع
فديتج حتى انا بديت اهتم بجسمي لآن وراي عرسي ^_^
ودخلي ملفي وراح تلقين موضوع عن دم الغزاال خواتي ماقصرن وردن علي,,
ومبرووك مقدمـآآ =)