السلام عليكم والرحمه
شحالكن خواتيه عساكن بخير
حبيت اخذ رايكن بالنسبه للبشره منو مستخدمع علاج او كريمات فادتها
بالنسلبه للي يعانون من حب الشباب والنمش انا استخدمت السيروم الغني بالفيتامين e
اذا حد مجرب كريمات وونفعت معاه تخبرني وتبيض البشره بعد
اترياكن
وعليج السلام والرحمة
الغالية انا ما خليت عيادة خاصة وحكومة ما جربتهم … عانيت وايد كل ما يتبدل الجو ويهي يخترب مرة حبوب ومرة جفاف فظيع ومرة بقع ومرة مثل الطبقة >> ما كنت احب اشوف عمري بالمنظرة
رحت مرة لـ محل زين
وهو معروف كل شي عندهم طبيعي … عن نفسي ما كنت اصدق كلامهم اتعرفين كيف يسوون الدعاية
المهم الحرمة نشبت فيني وقامت تمدحلي البضاعة .. وقومي يا انا وخذي كريمين واحد حق الليل وهو يفتح ويقشر وينظف اسم الكريم (كريم ثلاثي المفعول)
وعقب ثالث ولا رابع يوم حسيت ويهي متقشر ولوعة جبد ومحمر
عاد انا نسيت ان اللي استخدمه يسوي جذيه .. لاعت جبدي وما قمت استخدم شي لين ويهي اشتكى وعقب تذكرت ان ماخذة كريم ثاني حق هالسوالف واتذكرت ان الحرمة قالت من اتشوفين احمرار ولا تقشير في الويه استخدمي هالكريم واللي اسمه (كريم مرمم)
وما شاء الله مفعوله فيه الصراحة ….. والمنتجات كلها من لبنان
بس صدق فيه نتيجة ويباله صبر
انتي جربي اتروحين لهم وشوفي شو بتعطيج يوم اتشوف ويهج ^^ وخبريني عقب
واااااااايد رمست بس حبيت اخبرج بتجربتي ^^
ونسيت اقولج انا المحل اللي رحت له في عيمان / الكوثر مول
الغالية كريم أغادير المغربي للتبييض
و أنا عندي منتجات للعناية بالبشرة
المشاركة الأصلية كتبت بواسطة بنوتة80 
الغاليه ماروم اوصلها عيمان
على العموم مشكوره وماقصرتي والله
الغاليه ممكن اشوف منتجاتج وشو استخدامهن
والمهم ابى اعرف النتيجه..^^
المشاركة الأصلية كتبت بواسطة glbe على العموم مشكوره وماقصرتي والله
اختي المحل له افرع وايدة في الامارات
اسألي عنه في البدالة … محل زين الأتات