مرحبا خواتي الكريمات…..منو تعرف نظام مدرسة الإمارات لتعليم القيادة في مصفح كيف يكون التسجيل للنظري؟؟ وهل لازم نمتحن عندهم عملي؟؟ كيف نظام الامتحانات الترايات؟؟؟
ارجو من الخوات اللي عندها خبره في الموضوع لا تبخل علي وياريت الخوات يعطونا خبرتهم إذا حد توه سجل هالشهر كيف النظام؟؟؟
ممكن تخبرونا اجراءات التسجيل خطوة خطوة لحد ما ناخذ الليسن؟
معقولة محد يعرف؟!!!
للرفع
اتمنى بنات بوظبي يفيدونج
خواتي الموضوع مهم وأبغي اعرف ضروري ….لا تبخلون علينا بخبرتكم !!
up up
يزاكم الله خير صراحة ماتوقعت انكم تطنشون موضوعي!! الموضوع صار له أكثر من يومين ولا حد رد عليه غير اختي شاعرة شجن يزاها الله خير وعلى الرغم انها من العين كلفت روحها وخبرتني عن نظامهم!
هلاا اختي .. سيري سجلي ع طول في المدرسة دشي قسم المرور
وولي امرج وياج وحذي وياج صورة الجواز وكمن صورة شخصية
بتدفعين هناك 100 وفحص النظر 20 مدري 30 ..
وعقب سير قسم الحريم وقولي لها انج يديدة وبتسجلين خذي رقم واتريي دورج وبيعطونج ورقة تعبين بياناتج
ويوم ايي دورج تتدفعين المبلغ 830 عشان التسجيل في المدرسة وبتعطيج الجدول والكتاب وبتاخذين 4 ايام حصص النظري درسين في اليوم وعقبها تاخذين موعد للامتحان وعقب ما تنجحين في امتحان النظري تروحين تاخذين جدول ثاني حق العملي وتدفعين 2300 هاللي اعرفه ..
ان شاءالله البنات يفيدونج بباجي الاشيا لنه باجر امتحاني النظري ودعوااتج ^^