السلام عليكم ورحمة الله وبركاته
بنات بغيت أسألكم عن مدرسة الأمارات الوطنية اللي في الطوية
أدري أنها يديده
بس بغيت أسأل اللي حط خوانه أو عياله فيها
شو رايكم بالنسةلـ
لتدريس التربية الإسلامية واللغة العربية( كم حصه-تحفيظ القرآن)
اللغة الإنجليزي ما ينخاف عليها اللحين صار الاهتمام فيها أكثر من العربي
وبغيت أسئلكم عن
الواجبات
والكتب ( يردونهن عند الطلاب ولا لا لأني سمعت العكس)
بالنسبة للترفيه شو عندهم
شو أسعارهم بالنسبة لروضة ثانية
وشو المنهاج اللي يتبعونه وشو بالنسبة للمدرسات
وصح عندهم متخصصين في النطق للأطفال اللي عندهم مشكله في النطق
لأني وأبو الولد انفكر ننقله من الظفرة للأمارات الوطنية
الظغرة زينه بس أندور الأحسن
اختي المدرسة ما عليها كلام حالها حال غيرها من المدارس الخاصه بصراحه ..
انا رحت لها وحطت فيها من ناحية المبنى تراه يديد ونظيف وروعه وبالنسبة للريوق والغدا تراه عندهم .. يعني عيالج بييون متغدين والحمدلله
بالنسبة للتدريس عندهم كمبيوتر والانجليزي منهج بريطاني .. علوم ورياضيات منهج سنغافوري ( والله العظيم نفس منهج الحكومه بس اللهم بالانجليزي لا اكثرولا اقل ) .. وعربي وتربية اسلاميه وتربيه وطنيه نفس المنهاج الحكومي ..
طبعا عندهم اختلاط لين الصف الرابع الابتدائي ..
وهذا موقعهم اذا بتشوفين اسعارهم .. www.ens.sch.ae
ولاتنسين ترى فيه خصم للجيش والشرطه 50%
وبالنسبة للتسجيل ترى سكروابالنسبة للروضه والصف الاول ..
واسمحي لي عالقصور ..
مشكورة الغالية وما قصرتي
بس أنتي حاطه حد فيها وشو رايج
وين البنات الباقيات معقولة محد حاط عياله أو أخوانه فيها
لا فديتج انا مسجله عيالي في ليوا ..
وبالنسبه لبنتي اللي بتروح رابع كنت افكر اسجلها في الاكارات الوطنيه بس استخرت الله وما حسيت براحه بعد الاستخاره ..
ربيعتي حاطه بنتها فيها .. واختي بالرضاعه السنه اليايه بيكونون عيالها فيها ..
انتي اذا حابه المدرسه ومحتاره استخيري الله وشوفي شو بيطلع معاج وانتبهي تراى الكلاسات بدت تسكر مثل ما قلت لج ..
والله يوفقج حبيبتي
مشكورة يا أم الشيوخ
وما قصرتي
انصحج تروحين تشوفين بنفسج وتسالينهم كل الاسئله الي في خااطرج واستخيري ربج قبل كل شي
المدرسة اوكي
بس العيب الوحيد
انه اهتمامهم باللغة العربية ضعيف
يعني لازم تحطين مدرس خصوصي بس حق العربي
والسموحة