تخطى إلى المحتوى
الرئيسية » محيط راس الطفل ؟!؟!؟!؟!

محيط راس الطفل ؟!؟!؟!؟!

خواتي بغيت أسأل …
في حد منكن قالولها ان محيط راس بنتها ولا ولدها كبير ؟؟؟
و اللي قالوا شو سوت ؟؟

انا قالوا لي لازم اسوي اشعه مقطعيه حق ولدي

لا تخافين ان اء الله خير

انا ما عندي فكر بس حبيت اطمنج ساعات اليهال خصوصا البيبي يكبر راسهم من هواء المكيف

وللرفع

اختي انا اول ما ولدت
كان راس ولدي كبير وسوولي سوالف ما لها اول ولا تالي وكنت خايفه عليه
عقب نصحتي امي ومرت أبوي ربي يخليهم لي
أحطي ملح في شمد أربطه على شكل كورة صغيرة وأييب مدخن واقرب الشمد إلي فيه الملح على المدخن لين ما ياخذ حرارة وعقب احطه ع راس ولدي ويومين وبينت النتيجة
فديتهم والله ويوم سرت مراجعة الدكتور استغرب من راس ولدي
ربي يخليه لي ولدي فديته
اتمنى افدتج ولا تحاتين حبيبتي انشاء الله خير

لا تحاتين حبيبتي انشاء الله خير……….. والله يخليه لكم

أنا نفس الشي قالوا لي ولدي راسه كبير وامي ربي يحفظها قالت لي سوييله ( الحلقه الدائرية اليه امهاتنا يسون تحت راس الياهل ) لا تضحكون عليه ما اعرف اسمها وما طلع من الاربعين الا اعتدل راسه بس قبلها فعلا كان راسه كبير وشكله فضيع والسبب الرئيسي اني حضرتي توحمت على الكاكاو وكثير كانت الدكتورة تقولي خفي اشوي من الحلو يكبر راس البيبي وانا اطنش …….. سامحوني على الاطاله

شوفي الغاليه انا مره قالوا عن ولدي محيط الراس كبير عنده فوديته عند دكتور اطفال وخبرته بالسالفه قالي دام الولد يرفع راسه ويشل عينه يعني ايطالع في الشخص ما فيه شي هذي خلقه بعض العوائل اتحصل حجم الراس كبير عندهم يعني على حسب البنيه

تسلمون خواتي على الردود

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.