خاطبني واحد
اهلي مب عايبنهم لان ماعنده بيوت واملاك مثلي
وهو مايدري اصلا ان انا عندي شي
هو من اماره ثانيه انا ادرس فيها
يقرب لناس نعرفهم
هو ساكن في بيت زوج والدته بحكم ان هي ماخذه حضانتهم
كل اللي يملكه راتبه
ويقصون منه للفيزا وقرض السياره
وهو مب مجمع شي للعرس
كل اللي بيصرفه بياخذه من البنك
اهلي يقولون هو مايبا يدفع المهر المتعارف عليه في عايلتنا
ولا يبا يسوي ليلة حنا
ويبا ملجه فالبيت
مع ان اهلنا كلهم يملجون فالبيت بس امي جافت ربيعتها سوت ملجة بنتها في قاعه
هي بعد تبا تسوي ملجتي في قاعه وانا اصلا بخاطري تكون ملجتي فالبيت
ونحن في عايلتنا اعراسنا تكون فخمه وايد هو ماعنده يسوي عرس فخم نفس مانحن متعودين نسوي
ف اهلي يقولون شو تبين فيه
انا الحمدلله الكل يمدح جمالي وجسمي
وهو بعد جميل ومعضل
وسألت اللي تقربله قالتلي وايد زين وطيب وكريم
ولاحظت هالشي يوم يا يجوفني ياب سلة حلاوه كبيره
مب مثل اللي قبله يو وايدهم خاليه
انا محتاره
قلبي يقولي هذا هو اللي بيسعدج
وعقلي يقولي بييج اللي احسن منه ويكون قادر يعيشج عيشه راقيه
لان جمالي اييبلي عيال تجار وناس كباريه الحمدلله
وبنفس الوقت يقولي ان الفلوس مو كل شي ودامه كريم معناته مابيبخل علي بأي شي
وانا جامعيه وراتبي بيكون قوي ان شاء الله
وهو بعد ناوي يكمل ولين ما انا اتخرج هو بيكون مخلص قرض السياره بيبقاله قرض العرس
ماعرف محتاره
اوافق ولا ارفض هم خذو الشبكه لانهم مستانسين علي
انا مستانسه اني بسكن في بيت زوج امه لانهم دايما يتيمعون
وهالشي اللي انا فاقدتنه في بيتنا تمر شهور ومحد ايي بيتنا غير خالاتي
لان اخواني من الابو مايحبونا ولا اهل ابوي
وقبل فتره صارت سالفه اخواني قاطعونا والعايله كلها قاطعتنا عشان اخواني مايقاطعونهم او يزعلون منهم
وهم قالو مايخصهم مابيسألون عنه ولا لهم دخل
انا مابغي اسوي ملجتي في قاعه واخر شي الطاولات تكون فاضيه او ايون وهم مايدانوني
ابغي اللي يكونون موجودين هم اللي يحبوني ويتمنولي الخير
ماعرف محتاره اوافق ولا ارفض انا عمري 20 سنه وهو اكبر عني ب 4 سنين
تمت الموافقة
الكلمة الطيبة صــدقة
صلي استخاره
انتي اللي بالموضوع
بس لو انتي عادي عندج و تبينه
و خلي موضوع اهلج و طريقه احتفالهم
لان كل حد يسوي عالللي يقدر عليه
صاي استخاره ودام راتبج انتي اوكي برايه الماده مهمه بس مب كثر الحب والتقاهم والاحترام انتي صاي وادعي الله وصلي استخاره اهم شي واذا فيه خير الله يقربه واذا لا الله يرزقج بالافضل وايد ناس عندهم فلوس وبخلا لا يغرج المظهر
اول شي صلي استخارة و ان شاء الله ربي بيوفقج
ثاني شي نفس الكلام الي كتبتيه هني قوليه لآمج و أبوج ، صارحيهم
قولي لهم ان الإنسان ما بياخذ من الدنيا كل هالاملاك ،
و الرسول قال تنكح المرآة لمالها و جمالها و حسبها و نسبها .. و انا متوفرة فيني هالصفات
و حاولي تخلين كل شي بسيط و غير مكلف و عادي تساعدينه بالعرس
صلي الاستخاره
وايدين من الشباب المسؤولين هذي حالتهم
قر ض السياره قرض العرس
هذي حياتهم الطبيعيه عايشين ع راتبهم
وعايشين بخير ونعمه ومستانسين
شوفي انتي شو تبين
هامور وبيزات سيارته وعرسه كااااش
او واحد حاله حال اي مواطن عايش ومعيش عياله وحرمته ع الراتب اللي يستلمه اخر الشهر
بالتوفيق