الله يوفقج ويتمم عرسكم على خير ….ويسعدكم ^.^
لندن في ديسمبر باررررررررده وايد وايد …..وصدق في البرد هب حلوه الحواطه
بس بشكل عام لندن من الاماكن اللي الواحد ما ينساها …يعني اي ريكومند لندن وطبعا جميرا كارلتون هوتل
الفندق المعتمد لطيران الامارات لووول
باريس ….ولد خالي وحرمته سافروا هناك وووايد اتلعوزوا بشكل وانسرقوا واتبهدلوا >< حليلهم
في النهايه اهم شي تستانسون وصدقيني المكان ما يهم اهم شي انه القلوب ع بعضها
بالنسبه للاسئله:
ليش وايد مركزه انج تبين الشوز ماركة والكوت ماركه و….. الخ ماركه
فديتج ترى في اشيا حلوه وايد ومب شرط اتكون ماركه ..
بس اذا انتي من النوع اللي يهمه هالشي .. في الهيثرو في التيرمنال 3 شوزات فلات حلوه وبتحصلين غوتشي وديور وبربري وامبوريو ارماني وووووووووالخ كل محلات الماركات واكيد بيكونون منزلين كوليشكن الشتا …
عن نفسي احب جاكيتات jacob …..اسعارهم حلوه وقصاتهم وايد مرتبه …
واذا بتسافرين في الشتا لازم تاخذين البوت الشتوي
وتاخذين الكوت المطري اللي يكون نايلون شي في نيو لوك واحد حلووو وايد ….بس انا شفته ما يستاهل ال 2400
والقلوفز والسكارف انا اللي عندي خذتهن مع الكاب من الصيدليه حلوات وكشمير …وماركه عاديه …بس اهم شي انه الشي عيبني ….
بالنسبه لسؤالج عن الحجاب ….في الطريقه الكويتيه ….انج تلبسين نفس الكاب وفوقه الشيله ….حلو وثابت وينفعج وايد في البرد …تحصلين كوليكشن حلو في بوحليقه ..
بس انصحج حبيبتي …لا تاكلون في المطاعم الاجنبيه لانه معظم اكلهم فيه واين ولايكور فكل شي تقريبا لو الشي ما يستاهل ….حطووو عليه من هالريد واين حتى في الاسكريم …ذاك اليوم خذنا واحد وحصلنا فيه فودكا وعععع ..و ع فكره في وايد مطاعم عربيه حلال فكل مكان .. انا معاج انه حلو تجربين اكلهم وتدخلين مطاعم راقيه وحركات شموع … بس اهم شي رضا ربج
وربي يوفقج ويسعدكم
شو بعد ؟؟؟؟؟
مبروووك مقدما يالعروس
نصييييحه لاتروحين لندن في 12 انا مرضت ماتهنيييت والله
روحي ماليزيا ابرك بتستانسين
بس اذا حابه اوروبا روحي شهر4 اوكي
لا ماليزيا ولا لندن ………ماليزيا كلاها امراض …..ولندن برد وايد
سيري جزر المالديف والا موريشس وبعد تاكدي من الجو قبل
روحي ماليزيا أحلى حق شهر العسل
حبيبتي مبررروك مقدما ..ماشالله امول كفت ووفت انا مارحت لندن وباريس بس توي رداه من ماليزيا وصراحه روعه وعيبتني و ايد احسها تنفع حق شهر عسل و الي شفناهم هناك اكثرهم كانو عرسان يجننون كل ثنين يمشون مع بعض وبعدين نفس ماقالت امول وعن تجربه احس الواحد في شهرالعسل مايروح يتكشت وايد ا كثرشي الوقت ينقشي بالفندق والمطاعم والاماكن الرومانسيه وحتى اذا رحتى ماليزيا ترومين تروحين لندن وباريس على السفرات اليايه او العكس واحس البرد يبهذل الواحد مايستانس بالبرد وبالملابس الشتويه الواحد مايروم يتحرك المهم لا تفكرين وايد في الماكن اهم شي الفندق يكون حلو وراقي ورومنسي لانج بتقضين اكثر وقتج في واهم شي حبيب القلب يكون معاج والله يسعدج يارب وتعيشين في عسل وعسل ياعسوله
وانشالله البنات يفيدوج اكثر وتقبلي مروري المتواضع
انصحج ماليزيا ماعليها كلام
صدق تنفع حق شهر العسل يالله فخاطري ارد اسير ماليزا يا حلاتها من ايام انا سرت شهر 4/
انا انصحج بمكان يديد عليكم انتو الاثنين
حلو تستكشفون المكان وبتكون لكم ذكريات وايد حلوه
اذا ضعتوا واذا ماعرفتوا المكان واذا تميتوا تسالون ( يعني مغامرات)
بس اختاروا بلاد نظيفه ومافيها عرب وايد
باريس ولندن وماليزيا وايد عرب بس ع شهر 12 ماعتقد تحصلون وايدين ووايد برد موت
الا ماليزيا لان جوها استوائي ..
انا انصحج اتسيرين جزر المالديف روعه وكل الي ييسير يتمنى يرد لها مره 2
وبخصوص الفنادق اختاري 4 لكن اساسا خدمتهم مال 5 نجوم
ورحله سعيده
=)