السلام عليكم ،،
خواتي انا محتاره وين اربي ،،
حاليا اراجع بمستشفى راك الخاص عند الدكتوره انديراا ،،
وخايفه من كثر ما اسمع عن العمليات ،،
فشو رايكم من ناحيه العنايه بالأم والبيبي وخااصه الخياطه سواء بمستشفى صقر او راك !
والسموحه منكن ،،
up up up
والله انا مثلج تميت محتااااره لين آخر شي فتحت ملف في مستشفى دبي بما انه عندهم دكاتره اكثر وخبرتهم احسن عن اللي عندنا والتساهيل عند رب العالمين ..
والله يسهل عليج يارب 
انا اصلا على طول فتحت ملف في مستشفى دبي ولا فكرت افتح في مستشفيات راس الخيمة بس يقولون مستشفى راك الخاص اوكي بس ما ادري هاللي سمعته….
جوفي حبيبتي انا ربيت فمستشفى صقر و الحمدلله ما شاء الله عليهم وايد كانوا مهتمين مب شرات قبل ..
و عقب 3 اسابيع حميتي ربت فمستشفى راك و تمت تذمهم و تقول يا ليتني ربيت فصقر لانها ربت فصقر فبنتها و فالولد بغت تجرب مستشفى راك و ندمت ..
تبين الصدق مستشفى راك بس ديكور انا بعد كنت ناوية اربي هناك بس ما ادري شو اللي منعني يمكن كنت متعايزة عسب جي خخخخ ..
و السموحة طولت عليج ^^
والله صقر مافيها شي انا ربيت ولدي هناك لكن الحين بسب التامين بولد فى راك
والله الولاده وين ما تكون حتى لو بالبيت محد يقدر يساعدج غير رب العالمين
وين ما تكون ولادتج ربي يسهل عليج