السلام عليكم ورحمة الله وبركاته……..
انا قررت اسوي تغيير او بالاصح سكراب لنفسي لاني بديت احس بتعليقات ما تطمن من ريلي المصون
…ههههه…
اول شي انا ولدت مرتين وصاير لي كرش وما عارفه كيف اتخلص منه
…
ثاني شي ابا خلطات للجسم والبشره تنظيف وتعطير وكله كله…
واكيد محتاجه حل للمنطقة الشهيره
…
اتمنى اللي جربت شي بنفسهااااااااا تساعدني الله يجزيكم الجنة …
لا تقولوا لي سمعنا وسمعنا ..اللي مجربة تنصحني لاني اخاف استخدم اي شي…
ومشكورين مقدما…
والله يرزكم سعاده الدنيا والاخره…..ااااااااااااااامين…….
بالنسبه للكرشه طول اليوم البسي ضاااغط
اكثري من شرب الزنجبيل المبشور مع عود جرفه
سوي رياضه البطن , تنسدحين على ظهرج واتقومين 10 مرات عالاقل
ولسكراب الجسم , بتحصلين عند العطار سكراب العروس العلبه ب 50
بعد كل دوش استخدميه على كامل الجسم وركزي عالمناطق الغامجه
بتيبضين بسرعه مع الاستمراريه بشكل يومي
او بعد ما اتخلصين دوش , سوي سكراب للجسم بزيت الزيتون والسكر
واغسليه بماي بس
وبالنسبه لمعطرات الجسم اخذيها من بدي شوب او صيدليه بوتس
مثل ما ذكرت الاخت عطر 77
البسي ضاغط امشي لنص ساعه وغير تمارين البطن كثري
منه
واشربي شاي اخضر بالزنجبيل
والاسكرب : روحي بودي شوب وطالعي وايد عندهم
وللمنطقه الشهيره : راجعي دكتوره جلديه توصف لج كريم اوكيه
عندي هاي المجموعه مال البودي شوب وريحتها وايد حلووه …
ببدا اسوي التمارين والمشي من اليوم باذن الله وبشرب شاي بالزنجبيل.مشكورين يالغاليات.
حبيت اصحح معلومة المشدات تضعف عضلات البطن فما انصحج تستخدمينها بشكل يومي
يعني يفضل استخدامها يوم بتلبسين شي يبرز منطقة البطن وودج تخفينها
افضل شي انج تسوين رياضة حاولي تمشين لان المشي يساعد على شد الجسم بشكل عام وحتى الاماكن الحساسة
سوي لج حمام مغربي مرة بالاسبوع واخذي لج سكراب يومي من شركة معروفة
وفي كريمات وااااااايد ترطب وتبيض بنفس الوقت
بالنسبة للتعطير لا تستخدمين العطور القوية واللي فيها كحول بشكل يومي ويفضل لو بتحطينها يكون على ثيابج وبخيها من بعيد
لان الكحول يسبب اسمرار للبشرة
عن نفسي آخذ عطور الاطفال واااااااااايد روعة للاستعمال اليومي
اختي تمارين البطن الي حطته اختنا عطر انا مجربتها وامي واختي ومرت اخويا ووالله نتائجها حلوه لو استمريتي عليها يوميا
ينشد البطن ماشاء الله امي من النوع الي لها بطن وتعرفون الامهات من قبل بعد الولاد وما تحدث سوته
مره فرق سار لبطنها ماشاء الله بس لمن وقفت رجع يعني لاتقطعيها مره
اما عن مرة اخويا اول مره تولد وما اهتمت بنفسها وهي قالت وسار لها كرش ومن اول كانت نحيفه جدا دحين سارت ام كرش قلتلها عن التمرين دي وسوته ومرتين جات بطنها سار مشفوط وتقول اخواتي لاحظو وحنا كمان لاحظنا وعن نفسي نفس الشيء سويت التمرين وما اشاء الله نفع بس اهم شيء التواصل وتعرفي الفرق في اسبوع كنت اسويها في اليوم 30 مره 50 مره اقسمهم باليوم مو شرط ورا بعض بس لاتقطعيها ولو تسويها باليوم 10مرات
اما عن خلطه انا حاليا اسوي خلطه ومستمره عليه شهر ونص تقريبا الخلطه لكل الجسم والوجه
جلسوليد الااحمر 1ملعقه
فازلين اطفال 1ونص ملعقه
ليمون حبه الصغيره
موية ورد 1ملعقه
جلسرين السائل 1ملعقه
زيت لوز 1ملعقه
وخلطيهم ويوميا حطيهم لو بتنامي اوفي الصباح وبعدين غسليهم ونا وجهي فتح واكواعي واهلي لاحظو ذالك بس ركبي فتحت بس لسا باقي مشوار لاني ما كنت اهتم فيهم فمره مسمرين ودحين بدات اوريهم الويل..
اما عن المنطقه الحميمه 
فحطيت عليها اسبوعين ووقفت لاني كنت احط على جسمي كلو وكانت الخلطة تجلس معاي اسبوع واشتري تاني عاد جاني كلام من امي انتي فاضيه بس وووووو.. المهم اختصرت سرت احط على وجهي وركبي ويديني الى الاكواع 
والنتائج تظهر شوي شوي
والسموحه على هرجي الكتير
المشي وايد حلو ورياضة البطن يوميا الرقص والسباحة , حمام مغربي مرة في الشهر على الاقل , سكراب وكريمات الترطيب والشاور جل من باث اند بودي ورك ومن زهور الريف روعة , عطور ودخون انفاسك دخون تثبت , التبييض سيري دكتورة جلدية .