السلام عليكم ورحمة الله وبركاته.gif "12 (5)")
تأتي لحظات يشعر الانسان أن هذه الدنيا ما تسوى ولا شي …………………….وذلك بسبب موقف ما او حدث غير مجرى حياتك …………………..لدرجة إنج حسيتي إنه هالدنيا ما تسوى ولا شي
والسؤال حبيت اطرحه عليكم واريد تفاعل منكم …….لأنه اللي يشوف مصيبة غيره تهون عليه مصيبته………متى حسيتي ان الدنيا ما تسوى شيفي نظرج؟؟………..
أنا عني ……………موقف من صديقه لي بدوام ……..تسلفت مني مبلغ من سنه ……الحين تنكر تماما اي شي صار ورافضه ترد المبلغ بس الله مغنيني والحمدلله …………والله اللي يشوف صداقتنا …….يحسدنا عليها ….بس عين ما صلت عن النبي …………..فهالموقف حسيت إن الدنيا ما تسوى شي ………..
مثلا يوم اشوف ناس مرضى الله يعافيهم ويحفظنا
ويوم اشوف ناس محتاييه وفقراء
ويوم اشوف واقرأ عن قدرة ذوي الاحتياجات الخاصة
واخر شيء يوم اشوف المصيبة والجفاف الي في الصومال الله يفرج كربهم
وما أدري صراحـة ما حسيت بهالإحساس قبل
أشوف الدنيا والآخرة زينات باذن الله
بس الدنيا فيها تجارب والآخرة بعد الحساب أرض الراحـة والطمأنينة التامة ربي يجعلنا من آهل الجنـة ..
بسم الله الرحمن الرحيم
اولا حبيت اشكرج على الموضع
ثانيا بيغت رايكم خواتى بلى اكتبة
انا خريجة /
كل هذى الفترة كنت ابحث عن وظيفة انا مواطنة خواتى
تصوروا اكثر من عشر سنوات طرقت جمبع الابواب ولم اوفق بتقولون كلة نصيب نعم وانا راضية بالمقسوم
ولكن ظروف زوجى تسوء وتسوء بسبب الديون المتراكمة والدين الكل يعرف يا خواتى قاهر الرجال
ومازالت متمسكة بالامل ولكن مرات تاتين افكار سودا واقول الله ما يحبنى (أستغفر الله العلى العظيم )
ومرات اقول اختبار ومرات اتعب نفسيا خاصة لمن احس ان زوجى متحاج وانا ما بيدى شى اسوية
ومرات اقول الدنيا ما تسوى شى اليوم احنا هنا باجر فى القبر ومرات اقول الحمد الله احسن من غيرى ومرات اقول الله يفرج همى وهم زوجى
اسمحولى غثيتكم ولكن شوى ااظهر المرارة لى داخلى ومشكورة اختى على الموضوع والله يوفق الجميع
الدنيا ما تسوى عند الله جناح بعوضة
فليش اعور راسي
يوم اخوي مات جدامنا بعمر 24 سنة و هو ناوي يخطب قريب،،، و كان راد يومها من مقابلة في الحرس البحري،،،
الله يرحمك يا أخوي
لما يتني الالم الولاده وحسيت اني بموت خفت وايد لاني كنت حاسه شو بسوي وانا بعد شوي بسيرلعالم ثاني