السلام عليكم
كيفكم ياحلويين .. ان شاء الله مرتاحين ..
ابا اسأل متى تبدأ الحامل تماس رياضه المشي .. في اي شهر ..
بعضهم يقول بس في اخر شهر عشان الولاده والبعض يقول من الشهر الثاني .. افيدونا ..
وينفع على جهاز السير ولا لا !!
اختي عادي امشي من تدخلين السابع انا سالت الدكتورة عن جهاز السير قالت عادي مايضر ….
في بعضهم يقولون من السابع وبعضهم يقولون من الثامن ..
الله يسهل عليج .. المشي زين ابدي فيه من الحين أفضل لج ..
المشي زين للحامل بس ماتجهد نفسها اول الشهور مشي عادي
اخر الشهور تكثر ارياضه والمشي ..
أنا ببدى من باجر مشي خفيف بكون في الاسبوع 29 .. وعلى أول الثامن بزيد شوي وآخر الثامن بمشي على الدري ^^ وان شاء الله أول التاسع يارب مربي دعواتكم
والله يسهل علينا وعليكم
وعليكم السلام
حبوبة من السابع احسن لج ابدي عشان ماتتعبين بعدين..بس استشيري الدكتورة ترا مب كل الحوامل تناسبهن المشي..واهم شي ماتيلسين لان اليلسة وايد مب زينة للحامل
والله يسهل عليج يارب
أنا شفت في نادي السيدات جدولهم يبدأ من الشهر الثالث بس أعتقد تمارينهم تساعد في تقوية الحوض وهالسوالف سئلي الدكتوره أفضل لج