السلام عليكن خواتي
العمليه القيصريه تتعرض لها الوحده في حالات طبيه معينه وتضطر الوحده تسويها ربي يشفي الجميع
خواتي المجربات العمليه قبل عندي استفسارات اتمني تساعدوني على اجابتها
الشعور بالحراره فوق منطقه الجرحه شي طبيعي؟؟
ومتي يروح الم الجراحه وهو احساس كان شي شاد على بطنج ؟؟
متي اقدر البس الشد بعد العمليه؟؟
وبالنسبه لطلعت الدرج متي اقدر اطلع لاني غرفتي فوق وانا حاليا تحت ؟
وجزاكن الله كل خير وياليت اذا فيه نصائح او معلومات تفيدونا فيها
اختكم
وعليكم السلام و رحمة الله و بركاته
الحمدلله على السلامة و مبروك البيبي
بقولج عن تجربة اختي
هو اول اسبوعين معاناه
والمشد تاخذين الطبي المخصص لبعد عمليات التامي تاك ممكن تطلبينه من النت ارخص او من مراكز او عيادات التجميل او الصيدليات التابعة لهذي العيادات او في صيدلية لايف في دبي على ما اذكر قالت لي تلبسه بعد اسبوع من العملية خليني أتأكد منها و تستمر عليه مايقل عن شهرين
بعد ماتطلعين من الاربعين رجعي غرفتج.. داري على نفسج هذي الفترة
هو لين يصير الجرح اوكيه مافي وقت محدد يختلف من وحدة للثانية بس بشكل عام فترة الأربعين اعتبريها راحة تامة ولا تسوين أي مجهود واذا شفتي الدرج يتعبج لا تحاولين موول ونفس الشيء المشد اذا ما ارتحتي وحسيتي يضغط ع الجرح إجليه شوي
الله يسلمكن ويبارك في حياتكن
الحمدالله الجرح بدي يلتئم وبعد ما اطلع من الاربعين بلبس مشد يكون قياسه عود بحيث ما يشد على الجرح عقب بتم اخذ الاصغر
اما الدرج بشوف الدكتوره شو بتقول خذيت معاها موعد بعد اسبوع لاني محتاجه حد يجاوب اسالتي بشكل طبي ومنها تشيك على الجرح
الله يرزق كل وحده تتمني تحمل ويسهل على كل حامل
عليج براحه التامه ولاتشلين أشياء ثقيلة وحاسبي بعد من درج مب كل يوم تطلعين عليه بعدج توه مربيه عمليه ارتاحي خلي مشد لعقب الأربعين احسن علشان جرح
الحمدلله علي السلامه
نصيحتي لج اسالي دكتورتج كل وحده بتعطيج جواب يناسب حالتها .. ربي يسهل عليج