السلام عليكم ورحمة الله وبركاته
انا اريد مساعدتكم وياريت محد يبخل علي
انا امس سرت افتح ملف في المستشفي وانا في آخر اسبوع في الثامن "ادري متأخرة واايد" 
وطول حملي والحمد لله انا بخير وكل شي اوكي
بس امس الدكتوره وهي تشيك علي قالتلي الماي قليل ولازم ارتاح وطيح على يمب ومد ريولي
انا قلتلها والمشي انا احيد من تدخل الوحده التاسع لازم تمشي واذا بجر من نص الثامن
قالتلي امش نص ساعة في اليوم
ومن ساعتها وانا في ولوال شو يعني ماي قليل وشو يسوي وفيه خظوره على البيبي ولا لاء
ارجوكم ساعدوني؟؟؟
انا روحي زايغه علي الدنيه لان النونو من السابع عاطني طاف ولاف ويه الصوب الثاني "فديته والله"
.gif "44 (27)")
ولا شفت ملامحه من ذاك اليوم،
المهم ارجوووووووووووووووووووووووووووووووكم ساعدوني
اذا في شي يزيد الماي او هذا شي طبيعي ولا شو السالفه
اختكم في حاله
ماعندي فكره
بس حبيت ارفع لج الموضوع
وعسى البنات يفيدونج
وربي يطمنج وتولدين بالسلامه يارب
اختي أهم شي ترتاحين وترقدين على ينمب مثل ما قالت الدكتورة
ادعي وااااايد واقري ع بطنج والله يتمم حملج على خير
أنا بصراحه كنت اشرب ماي زمزم وادعي وانتي تعرفين ماء زمزم لما شرب له والحمدلله زاد ماي الجنين
أهم شي الراحه والدعاء ..
المشاركة الأصلية كتبت بواسطة ياقوته 
بس حبيت ارفع لج الموضوع
وعسى البنات يفيدونج
وربي يطمنج وتولدين بالسلامه يارب
مشكوره الغاليه على المرور والاهتمام
المشاركة الأصلية كتبت بواسطة لقاء ادعي وااااايد واقري ع بطنج والله يتمم حملج على خير
أنا بصراحه كنت اشرب ماي زمزم وادعي وانتي تعرفين ماء زمزم لما شرب له والحمدلله زاد ماي الجنين
أهم شي الراحه والدعاء ..
افهم من ردج انج كنتي مثل مشكلتي، الحمدلله على سلامتج
ممكن اعرف اذا في اي ادعيه معينه لهذي الحاله
يعني انتي شو كنتي تدعين
سوري بتعبج وياي
ماعندي فكره
بس حبيت ارفع لج الموضوع
انا احيد يوم بنتي اللي قبل قالولي الماي شوي بس حمدلله قالتلي الدكتورة عادي ورحت عند دكتورة ثانيه بعد قالتلي عادي وكملت حمالي لين اخر التاسع
وهو عادة يقل من التعب يمكن انتي تجهدين عمرج
حاولي ترتاحين مثل ماقالولج واهم شي راقبي حركة الجنين اذا اقل من 5 مرات في اليوم علطول روحي الطواري
لانه اذا ناقص وايد مب زين يمكن يولدونج
بس ان شاءالله كل شي يمر على خير ولاتنسين تستغفرين على طول عشان تتسهل امورج