السلام عليكم خواتي شحالكن؟شخباركن انشاالله تكونون بصحة وعافية؟
بخواتي بغيت اخبركم انااللي نزلت موضوعي تقريبا من ثلاث اسابيع بخصوص نبض الجنين اللي ما استوي المهم سرت عيادةثانية وقالت لي الدكتورة انه هالحمل كاذب يعني كيس بدون جنين وهذا يستوي عادي من بعد انقطاع حبوب المنع المهم عطتني ابرة وحبوب وقالت لي خلال خمس ايام اذا ما نزل دم راجعيني سرت لها اليوم وحولتني مستشفى صقر بس ما رضت الكتورة ادخلني قالت لازم اييب تحويله من مستشفى حكومي مع اني يبتلها رسالة من العيادة وقالت لازم تسوين تحاليل وتلفزيون المهم حولتني على عيادة المستشفى يوم الاثنين الياي الحين ابغيكم تساعدوني ابا اشياء تنزل لي الدورة وبسرعة مع اني شربت القرفةوالتفه بس ماشي فايدة شو اسوي ساعدوني الله يخليكم وجزاكم الله الف خير……
الغاليه لازم اتراجعين المستشفى لانه هذا مثل الحمل العادي بس بدون جنين يعني خطير انج اتنزلين الدورة وعقب كيس الحمل شو بينزله ؟؟؟ الافضل انج اتراجعين العياده والمستشفى ..
راجعي المستشفى وان شالله خير وعادي صارلي وصار لاكثر من وحدة اعرفها
*
الله ييسر لج و يعوضج خير ان شاء الله