مرحبا ياحلوات قررنا انشالله انسير ماليزيا في اجازة العيد عاده انا اخر مرة سرتلها من ثلاث سنين قلت مافي الا الحلوات اللي يقرون احينه موضوعي بيساعدوني شو تتوقعون بيكون الجو عندهم هالفترة وشواحلى الفنادق والاماكن التجاريه اكيد اقصد الشوبنغ وانشاالله رحلتنا بتكون عشر ايام كيف ارتبها بين كوالالمبور وجنتغ طبعن وشوبعد المناطق الحلوة اللي اقدر اسيرلها بليز ياحلوات
مرحبا عزيزتي
ما اقدر افيدج عن كل شي سألتي عنه
بس اقدر اقولج عن الجو .. جو ماليزيا طول السنة نفس ما هو .. والجو اللي شفتيه قبل 3 سنين هو نفسه في كل أشهر السنة .. يمكن في فترة العيد يكون شوي طشونه ابرد .. شوي مب وايد
وعن الحجز .. اذا ما حجزتي .. يفضل انكم تحجزون من الحين لأنه الاسعار بترتفع في بداية شهر 11 + ما بتحصلون حجز لو اتأخرتوا في الحجز لو كان عددكم كبير
وسفره موفقه ان شاء الله
وأنا شراتج اختي … إن شاء الله البنات يفيدونا
انا رحت عيد الفطر وكان الجو روعه مو كالعاده ،، كان بارد حلو ورذاذ مطر
الجو.. (( أٍستوائي بطبيعته طول العااام)) مره حر.. مره حلو.. مره ممطر.. وهكذا…
خلي أياااامج الأكثر في العاااصمه… ويومين مش أكثر في جينتينق… (( لانها مدينة ملاااهي )) بس جوها عذااااب… وبرد.. 
…
وفي العااصمه.. (( تقدرين أتسيرين.. ) الشلااالاااات.. و أفوموسا…. والمناره وسن واي لاقون والأبراج وهنااك بتلقين البروشوراات عن الأماكن السياااحه في كل مكان..
طبعاُ الأسوااق في شارع العرب.. عنية عن التعريف.. مايمدج تخطين خطوه ألا ومحل في ويهج…
وعليج بالشنط والساعات.. (( ماركاتهم الخاصه)).. وااايد حلوااات وسعرهم بعد حلو..
ورحله سعيده..
الله يسهل عليكم
اتروحون وترجعون بالسلامه
الجو طول السنه نفس ماهو استوائي ممطر وشوي في الشتاء ابرد شوي مووايد وكوالالمبور بصراحه موذاك الزود بس التغيير بحد ذاته حلو ومراكزها حلوه وفي منطقة جنتنج حلوه وبارده والجزر لنكاوي احلى من بيننج فيها اماكن اكثر ممكن تروحينها غير ان الطبيعه في الجزر حلوه واللعب بالجتسكي روعه والشيراتون في لنكاوي روعه نظام شاليهات اما في بيننج نسيت اسم الفندق بس هو اكبر فندق في الجزيره كانت اطلالته روعه بس الجزيره مافيها اماكن تروحينها وفي كوالالمبو فندق نيو وورد هوتيل راديسون ساس الفايف ستار روعه لان في منه 4ستار اقل مستوى عموما السفر حلو والتغيير وكسر الروتين حلو والمطر حلو وان شاء الله تستانسين وسفره موفقه