مسالخير ..
بنات ساعدني متوتره وايد ..
عرسي الشهر الياي و احس الايام تركض بسرعه
فستاني اجرته من محل ، الشغل الي فيه سواروفسكي صغار كامل و منثور ليين تحت .،
قصته ناعمه منفوشه نفس البرنسس .. ووايد يتلامع
يوم شفته وايد عيبني
يوم رديت البيت وحده تقول لي ان الحين محد يلبس جي ابداً ، و كلهن دانتيل ووايد عاتبتني .،
مادري بنات شرايكم ، صدق محد يلبس جي الحين ؟
اذا مب حلو بروح للمحل و بحاول اقنعها تغير لي الفستان .. شي وقت لانها قالت فاسبوعين تضبط القياس
و شو رايكم ف دولا ؟ لان حجزت عندها وانا ملامحي هاديه و عمري صغير
حتى التاج .. غيرت رايي فيه قلت مابا
حسيت القستان وايد يعكس الاضاءه مع الشبكه و جي و طلع من خاطري
يمكن البعض يحس موضوعي سخيف
بس خوف العرس وفراق الاهل بروحه ضغط نفسي
ساعدني و شورن علي ،، يمكن الاقي رد
الله يوفقج
ان شاء الله البنات يفيدونج
خلج واثقة من اختيارج والقاعة تكون الإضاءة خافتة يوم تدخلين من جيه اللمعة مهمة للفستان سواء كرستالات او شغل على الفستان او القطعة فيها لمعة مميزة والتاج بعد اهم شيء الفستان يناسب شكل جسمج ويبرز ومبروك والله يتمم لج على خير
حبيبتي ها من التوتر لي تحسين بيه قبل العرس هدي نفسج وخليج ريلاكس أفرحي وفكري فالحياة الحلوة لي بتعيشينها وإذا على الفستان إذا مب موضته يديدة جان ماروتك ياه ومبروك مسبقا
دامج مقتنعه من الفستان ما عليج من حد … ولا تشاورين أي حد في ذوقج لأنج بتتشتتين في النهايه .. خلج واثقه من ذوقج
وربي يتمملج على خير ان شاء الله
الله يتمم لج على خير
السلام عليكم اختي
الف مبروك مقدما و الله يتمم لج على خير
اهم شي حافظي على هدوءج وتذكري انها ليلة وبتعدي ان شالله ف خليها ذكرى حلوة
ومثل ما قالولج الخوات اذا الفستان عاجبنج وعلى ذوقج لاتترددين ولاتحاتين لان الناس اذواق وفالنهاية انتي الي بتلبسينه
وان شالله الله يوفقج ويسهل امورج