مرحب بنات ابغي رايكم بموضوع
أنا دارسة خارج البلاد (بكالوريوس موارد بشرية) وكان اكبر هم عندي ايام الدراسه هي اني افتك من الجامعه لاني مب متقبله البيئة ولا حتى الناس
الله قدرني وحمدلله تخرجت وافتكييييت المهم ان الي صار هو ان الشهر الياي بتكون حفلة التخرج الرسمية بيني وبينكم مابي اروح لعدة اسباب بس اهم سببيبن هم :
1) ظروفي المادية ماتسمح خاصة ان لازم العايلة تسافر وياي وبيضغطون على عمرهم عساس يدبرون التذاكر والفندق والخ
2) مابي اشوف الناس خاصة الي بدفعتي لان اكثرهم نفاق في نفاق كرهوني بالجامعه
كلمت الوالده قالتلي فرحه التخرج فرحه غيييير لازم نحضر بس فعلا ظروفنا تعبانه
الي انا افكر فيه حاليا اني اتوظف (عندي شهاده موقته من الجامعه) وبعد كم شهر تكون عندي الامكانيات اني اسافر ويا اهلي (بفصل ثاني) وباخذ شهادتي الاصلية ومنها بتكون سياحة لان الجو بيكون جو سياااااحه وبرد والخ
شو رايكم
في وحده منكم ماحضرت حفلة تخرج الجامعه ؟ هل هي ندمانه انها ماحضرتها ولا عادي؟
طبعا تحضرين لانها فرحة العمر و ما راح تتكرر يا عزيزتي
الظروف المادية ممكن تتدبر بس عقب من وين نجيب فرحة التخرج اللي لا توصف
و بالنسبة لطبايع الزميلات انتي مالج علاقة فيهم ، بالكثير السلام عليكم و مبروك عليكم ما يخصج فيهم و عقب ما بتشوفينهم و لا مضطرة انج تحتكين فيهم بس حرام تحرمين نفسج فرحة التخرج
و الف مبروووك مقدما
سجا ،،، ممكن سؤال ،،، انتي متخرجة من دولة عربية أو خليجية أو اجنبيه ،،، عسب نعرف نرد عليج ،،، !?!
مس بينك انا دارسة دراستي الاصلية الي اظريها بالموضوع في دولة عربية (وفي فصول معينة تسمى بالتبادل العلمي exchange Study هذي كانت بدولة اوروبية فصل وفصل ف امريكا وفصل كان في بوظبي بس الشهادة الاصليه من الجامعه الام الي هي بدولة عربية)
المشاركة الأصلية كتبت بواسطة saja_a 
توقعت بدولة خليجية ،،، كنا بنقول هانت لان أكثرية البنات الي درسن في الكويت و قطر قاموا يروحون عن طريق البر ،،، فراح تكون أسهل و من حيث المادة راح توفرون ،،،،
بس تدرين حبي انتي توكلي على ربج و احجزي عن طريق النت وايد أرخص ،،، ومن شرط فيرست كلاس ولا تسافرين اول أو آخر الأسبوع خذيها بنص الأسبوع تكون أرخص لج ،،،، الفنادق احجزيها عن طريق booking.com و إذا على الطيران احجزي بعد عن طريق النت أرخص ،،،،
عسى ربي يسهل أمورج و دروبج يالغلا ،،،، و مبروك التخرج ،،، وعقبال الوظيفة ،،،،
فكرة الشغل أو الوظيفة حلوة ،،،بس أن شاء الله تحصلين لج وظيفة ،،، لان لازم ما تتأخرين ،،، عن حفل التخرج يالغلا ،،،، حلاتها حفل التخرج و الأهل موجودين و رأسهم مرفوع فوق ،،،
الغالية الفلوس تتعوض وباجر بتشتغلين وبتعوضينهم لكن التخرج مايتعوض حاولي باي وسيلة انج تسيرين
والله يسعدج ويوفقج يارب