عندي سؤال وخاايفة وااااااااااااايد ,,
أمس رحت اسوي سونار للبيبي الحمدلله كل شيء اوكي بس قالت لي في كمية ماء زايدة عن المعدل الطبيعي في كلية الجنين هل هذا الشيء عادي ؟
وقالت لي لازم سونار ثاني عشان نطمن وسوت لي موعد طمنووووووووووني ,
أختكم ,,
ماعندي فكرة
بس حبيت ادعيلج الله يحفظلج جنينج من كل شر
وتربين بالسلامة ^^
هلا الغالية حبيبتي هذا يسمونه إستسقاء كلوي يعني شوفي الكليه أما تكون مجرد إنتفاخ وبعد الولادة يروح عادي أو يكون إسترجاع معناته البول وإنتي بكرامه ماينزل يرجع للكلى أو إنسداد في الحالب وهذا معناته إنه مجرى البول منسد ومعناته يبيله جراحه (قسطرة) بعد الولادة من خلال العضو الذكري وطبعا هذا الحلات مايقدر الدكتور يكون فيها دقيق يعد الولادة ويتم الطفل له مراجعات بين فتره وفتره للاطمئنان على حالته ولازم متابعه في وقت الحمل يقيسون حمل الإنتفاخ هل هو قاعد يزيد أو ينقص إذا كان ينقص هذا معناته مجرد إنتفاخ عادي وبعد الولادة راح يزول إن شاء الله
ولازم حبيبيتي تسوين سونار 3D وهذا السونار متوفر في مستشفى الوصل ومستشفى الكورنيش وخلي الدكتورة تعطيج تقرير بالخالة وروحي للمستشفى وراح يعطونج أقرب موعد ممكن للأشعة وإن شاء الله خير ومايكون فيه شي البيبي وهذي الخاله تصير وايد للبيبيات ونادر مايكون فيها إنسداد أو أرتجاع
وإذا تبين أي معلومة أنا حاضرة وفي الخدمه حبيبيتي وسوي سيرش في القوقل عن الأستسقاء الكلوي وبتشوفين معلومات وايد
ماعندي اي فكرة
والله يحفظلج البيبي وتفرحين فيه ياااااااااااااااااااارب
وحبيبتي نست أقولج إن أحسن دكتورين للكلى دكتور عيسى كاظم في مستشفى دبي ودكتور كلارك في مستشفى خليفه
هذي المعلومه طبعا للأحتياط فقط لاغير وإن شاء الله ماتحتاجينهم يارب
اختي لا تضايقين عمرج ان شاء الله كلامهم غلط انا شراتج في الحمل اللي قبل قالولي الياهل يمكن في كليته شي او يمكن القلب بس الحمد الله ما طلع شي من اللي قالوه