خواتي السلام عليكم
اشحالكم
عندي مشروع بخصوص الماركات
أبي رايكم ف الماركات وليش تفضلونها وماتاخذون التقليد
بليييييييييييييييييييييييز أبي جوابكم اليوم ضروري
الماركة حبيبتي يكد ويستهلك وخياطة الجنط الماركة دقيقة ومصممه عشان الكد والاغلب جلد طبيعي أو جلد مقاوم يطول وضمان كرته في ايدينج
التقليد مش حالك وحتى الدرجة الأولى أنا ستخدمتها وخسارت فلوس ألي يتغير لونها وألي ينقص سيرها وألي خياطتها رديئة مع أن للاسف خذيتهم على اساس انهم درجة أولى وسعرهم مب هين وعليهم بطاقة صنع المهم من بعد هالتجربة أكس على التقليد والحين مع الماراكات والله أني مرتاحه وايد وفوق هذا عندي كرت ضمان لو صار فيهم شي
أما الساعات مليون ألف سبب أولها مكينة الساعه ألي داخل لازم تكون أصلية وتابعه لشركه لون الساعه مايتغير رخامها الداخلي جوده ومضاد الكسر والماي فصوصها مثبتها عدل وفي حاله طاح فص كرتج الضمان عندج
وفوق هذا كله الأصلي المستعمل ينباع أكثر من التقليد اليديد
مثل ما قالت اختي مثلي قليل
الماركه للكد والمكده و بنفس الوقت تخليج راقيه ع كثر ماتكدينها
اما التقليد الشنط الخياطه تتبطل و الخام يتنتف بذات الجلد
السوع تدفعين مبلغ و قدره والفصوص تطيح
الصنقل يسود
يعني
في ماركات رخيصه وحلوه
هاد انتي قوليلنا شو تجارتج
ياني فضول اعرف
ماعمري استخدمت التقليد ولا احبه ولا افكر فيه!
الشنط والنعول والبوك الماركه كدييها كد ما يستويبها شي الا نادرا جدا
وفي الاغلب لو خاست الشنطه تودينها المحل او محلات تنظيف الشنط ويردولج اياها يديده، وهالمحلات بس متخصصه تنظف الشنط الماركه
استخدامها حلو غير ان اغلبها راقي
السوع شي اكيييد بدون ما تفكرين خذي ماركه
لو شو ما استوى بها يعدلولج اياها ويردونها يديده
الميك اب نفس الشي منتجاتها ومركباتها ما تضر البشره بقدر الميك اب الرخيص
العطور ريحتها تدوم اكثر وقوية عكس التقليد خمس دقايق وتختفي
الاكسسوارات، غالبا حتى المحلات الكبيره مثل شانيل لو استوى شي بالقطعه انتي تتحملين مسوؤليتها ومايسولج شي
بس بعد من بعيد تقدرين تميزين التقليد من الاصلي! طبعا هذا بالنسبه للي متعوده تلبس ماركه سيده بتفرق 
احس انها مب حلوه، البسي اكسسوار عادي ولا تقليد!
وهمم بس تقريبا
الماركه يكد وقيمته فيه مثل ماقالو الاخوات
اما السوع والاكسسوارات افضل الاصلي التركيب يختلف و جودة الصنع والمواد المستخدمه في صنع الاصلي اجود واحسن عن التقليد الي الله العالم شو مدخلين في صناعته من مواد رخيصه وضاره
فدييييييتكم
يعل ربي يحفظكم ومشكورين وماتقصرون ع الردود الحلوه المقنعة
اختي عشق طاهر أنا تجارتي خارج المنتدى بس أفكر ان شاء الله أعرض مجموعة
اكسسوارات , شنط , وأحذية
تكون ماركة واستعمالها مره أو مرتين كحد أقصى و السعر يكون خيالي مايزيد عن 250,ل350
…………………………….^^
روحي لك وحدك
انا صراحه اي شي احبه يعجبني وعلى قد ميزانيتي .. حتى لو كنت اشتغل وعندي بيزات وايده مااعق بيزاتي على اشيا البسها مره او مرتين جدام الناس .. يعني مثلا شنطه ب 5000 اشتريها وتكون اصليه شو الفايده البسها مدى الحياه وجدام الناس الف مره لانها اصليه .. مايستوي الواحد يحب التغيير