ليتك تفهم يا زوجي العزيز ان سفرك بدوني يخنقني

اللي يقهرني انه ما اييب هالطاري الا لما حد من ربعه يلمح له ويباه يسافر وياه..
واخر مرة صار تج بخصوص هالموضوع.. ويوم شرحتله شعوري بخصوص هالموضوع قالي تراني سفرتج والحين انا دوري اسير..
قلت له اوكي تبا تسافر بي وياك.. قال: لا .. ابا اسير بروحي ولا ويا ربيعي.. ووالله انه يا بنات هاي الجملة خلتني صدق صدق متضايجة منه لهاي اللحظة.. هالجملة وايد حزت فخاطري..حتى ان قلبي يعورني كل ما اذكر هاي الكلمة..يمكن مكبره الموضوع بس جد هالموقف وايد ضايج بي..

اخر شي قلت له: سافر برايك بس لا تتصل بي وقت سفرك..يقول لا دام جيه مب مسافر..

هو يحس اني اتحكم فيه.. وانا مب ها قصدي.. هو مب حاسس كيف افتقده يوم يسافر..
بنات ساعدوني.. شو اسوي..؟؟ ارضى بالامر الواقع واخليه يسافر..ولا كيف..؟؟
انتوا كيف تتعاملون ويا سفر ازواجكم..؟؟ و شو تنصحوني ..؟؟

للعلم انه يسافر بس جيه سياحة.. ما عنده خرابيط وواثقة فيه..
الله كريم

الغلا الريال مثل الطفل يحب يستانس ,,, خليــه يستانس اذا انتي واثقه فيـــه والله مافيها شي
بالعكس عشان يـــوله عليج وتولهين عليـــه

الله يسعدكم يارب,, قوليله انا ما اصبـــر عنـك يوم تروح كله اتم مضايقه بس من مدام هالشي يخليك مستانس الله يوفقك,, هاتيه باسلوب حلوو

حبيبتي الريآل محتآي وقت يكون ويآ ربعه

لو بتلآحظين إن البنت يوم بتعرس بتنشغل عن ربيعآتهآ وبيكون اهتمآمهآ بييتهآ وعيآلهآ
بس الريآل لآآ
يحب التغيير ، يحب طلعة الربع

لآ تضغطين عليه
ويوم بيسآفر ودعيه بكل حب والإبتسآم’ مآ تفآرقج

هو روحه بيحآول يخفف من سفرآته
بس لو انتي عصبتي بيعآند
ومثل مآ قلتي الريآل مآ يحب حد يتحكم فيه
شوره بإيده ^^

ووقت سفره اشغلي نفسج بأمور ثانيه