السلام عليكم
خواتي الله يخليكم كل وحدة تقول لي طريقة المنع اللي تستخدمها واللي هي ما تحمل عليها
انا عن نفسي ريلي هو اللي يمنع بس من اكثر من 4 سنين وتعرفون الريال ما يتحمل
وانا ما ابغي احمل
وهو يباني احمل عشان يفتك من المانع
وانا اقترحت عليه اني انا اللي بمنع بس هو معارض
اول شي لانه اللولب ما يناسبني عشان دورتي العادية بروحها 10 ايام كيف يوم بركب اللولب
وثاني شي اخاف من آثار حبوب منع الحمل من اللي يسويه على الحرمة وبشرتها وصحتها
الله يخليكم فيدوني اذا في طريقة غير عن هالطرق اللي قلتها بس تكون مضمونه
الله يخليكم
للرفع
والله الغالية ماعرف .. ما عندي فكرة ان شاء الله الخوات يفيدنج
انا اعاني من نفس المشكلة … افيدونا
والله انا ضربت ابرة وافتكيت وترى ابر الحينه غير عن قبل
قبل كانت تخوف بس الحين اكثرهم ودرو الحبوب واتجهو للابر وافتكو من معاناة الحبوب اليومية
واثاها على حسب كل وحدة
مرحبا الغالية … انا الحمدلله ( ماشاء الله) مركب اللولب الهرموني وايد رهيب وبالعكس وايد زين للحريم الي دورتهم تم وايد ايام… لأنه يمنع نزول او تقليل الدورة…. التفاصيل سئلي الدكتورة … اسمه اللولب الهرموني ( ميرينا)
بالتوفيق
اصراحه انا ولاشيء يناسبني ومتوهقه …………..الله يستر علي المشكله حتى الحمل خطير علي