يلاحظ ان البنات في الوقت الحاضر يرفضا السكن في بيت اهل زوجها لذلك نجد ان بعض البيوت
مكدسه من البنات من قل الزواج لسبب طلبهم بيت مستقل وهذا من حقوقهم ؟ ماهو السبب
الذي جعلهم يطلبون البيوت مستقله مع العلم انهم موفر لهم كل الاحتياجات من خادمه وسائق
ومرتب شهرى مع ذلك تطلب بيت مستقل وتطالب الزوج بالجلوس كثيرا معها لانها تحس بالملل
بالجلوس وحدها وهذا مشكله مايعاني منها الكثير من الازواج والزوجات فهل ياترى هناك حل
لهذا المشكله وهل هناك بنات تقتنع مايكتب لها في حياتها الزوجيه ؟؟
بالعكس ماشوف فيها مشكله
بس من رايي عالاقل ملحق خاص يكون لها في بيت اهل الزوج عشان تقدر تاخذ راحتها شوي مع زوجها
وتسلمين عالموضوع الهادف
المشكلها اهي في تدخلات اهل الزوج في حياة الوحده وما تاخذ راحتها ولا تقدر اسوي شي الا بعلمهم يعني اهي اتشوف نفسها اطلعت من بيت اهلها ودخلت بيت اهل زوجها يعني متى بتستقل بحياتها الخاصة
بس من خلال تجربه السكن في بيت اهل الزوج له فوائدة كثيره منها انها تتهيئ لانها تكون ربت بيت بشكل عملي
مب مشكله ولا شي بالعكس هذي استقلاليه …. لازم يعيشون بعيد عن الاهل منعا للتدخلات … ياريت هالشي ينلغي في الامارات ان الزوجه تسكن في بيت اهل زوجها ……. شوفوا في مصر مافي اي ريال يقدر يتزوج من غير شقه لازم الشقه تكون جاهزه وبعدين يتزوج … ما عندهم شي اسمه سكن مع اهل الزوج …….المشاكل اللي بين المتزوجين اللي ساكنين في بيت اهل الزوج اكثر من مشاكل الزوجين المستقلين في بيت بروحهم
هناك قلوب طيبه وهناك قلوب خبيثه
الطيبون للطيبات والخبيثون للخبيثات
لانعلم ماتخفيه البيوت
لا نعلم من هم هؤلاء المبتسمون لبناتنا
لانعلم ان كان الزوج مجند اول لدى اوامر والدته الساميه
لهذا يلهث البعض لطلب السكن المنعزل عن اهل الزوج
رأي ويعبر عن ماجال في خاطري
من وجهة نظري المشاكل ويالاهل مرات..ومرات الزوج يهملها لانه مطمن انها عند اهله..ووايد امور اشوف ان البدايه الصح تكون بسكنهم المستقل…يعرفون بعض عدل بدون تدخلات ولوم للاطراف الثانيه في حال فشلوا ويابعض
بس بهالحاله تكون مستعده اتم بدون خادمه او ع الاقل خادمه بالساعات ..تضمن خصوصيتهم ومنها ماتحس بالملل وهي قاعده بدون شي تسويه خاصه يوم يكون محد ومشغول عنها